Sensex Ne 25 Hajaar Ka Star Chhoone Ke Baad Badhat Ganvaai, 216 Ank Oopar Band

Breaking »

Sensex Ne 25 Hajaar Ka Star Chhoone Ke Baad Badhat Ganvaai, 216 Ank Oopar Band

Mumbai: desh ke share baajaaron ke pramukh soochakaank Sensex aur Nifty ne shukravaar ko dopahar ke kaarobaar mein apna shuruaati badhat ganva diya. Subah 1,000 se adhik ankon ki teji darj karne ke baad kaarobaar band hone ke samay Sensex 216.14 ank oopar 24121.74 par band hua. Isi tarah national stock exchange ka Nifty soochakaank 80 ank chadhkar 7203 par band hua. isse pehle, subah ke kaarobaar mein mataganana ke shuruaati rujhaanon mein bhaarateeya janta party (BJP) ko mil rahi safalta ko dekhte hue baajaar mein tej uchhaal darj kiya gaya. Mumbai stock exchange (BSE) ka 30 sheyaron par aadhaarit samvedi soochakaank Sensex ne 1,470.03 ankon ki teji ke saath apne jeevan kaal ka aitihaasik uchch star 25375.63 ko chhoo liya. isi dauraan, national stock exchange (NSE) ka 50 sheyaron par aadhaarit samvedi soochakaank Nifty ne 440.35 ankon ki teji ke saath apne jeevanakaal ka aitihaasik uchch star 7,563.50 ko chhoo liya. Lekin dopahar ke kaarobaar mein munaafaavasooli ke kaaran baajaar ne subah ke samay banaaya gaya adhikaansh badhat kho diya. vishleshakon ke mutaabik BJP ke pradhaanamantri pad ke ummeedavaar Narendra Modi ki sarkaar ki sthirta ki ummeed mein baajaar mein betahaasha teji hai. Modi ko baajaar ke anukool neetiyon vaala neta maana jaata hai. Baajaar niyaamak bhaarateeya pratibhooti evam vinimay board (SEBI) ke adhikaariyon ke mutaabik shukravaar ko mataganana ke dauraan utaar-chadhaav ki sambhaavana ko dekhte hue SEBI baajaar ki gatividhiyon par nigaah rakhega. Sensex subah 365.94 ankon ki teji ke saath 24,271.54 par aur Nifty 147.05 ankon ki teji ke saath 7,270.20 par khula.

Sensex Ne 25 Hajaar Ka Star Chhoone Ke Baad Badhat Ganvaai, 216 Ank Oopar Band https://www.angrejinews.com/pic/50745