Sensex Mein 17 Ankon Ki Giraavat, Nifty Chhah Ank Neeche

Business »

Sensex Mein 17 Ankon Ki Giraavat, Nifty Chhah Ank Neeche

Mumbai: desh ke share baajaar saptaah ke aakhiri kaarobaari din shukravaar ko giraavat ke saath band hue. Pramukh soochakaank Sensex 16.81 ankon ki giraavat ke saath 24,217.34 par aur Nifty 5.70 ankon ki giraavat ke saath 7,229.95 par band hue. Mumbai stock exchange (BSE) ka 30 sheyaron par aadhaarit samvedi soochakaank Sensex 66.84 ankon ki teji ke saath 24,300.99 par khula aur 16.81 ankon yaani 0.07 feesadi ki giraavat ke saath 24,217.34 par band hua. Din bhar ke kaarobaar mein Sensex ne 24,353.59 ke oopari aur 24,163.62 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 19.20 ankon ki teji ke saath 7,254.85 par khula aur 5.70 ankon yaani 0.08 feesadi giraavat ke saath 7,229.95 par band hua. Din bhar ke kaarobaar mein Nifty ne 7,272.50 ke oopari aur 7,118.45 ke nichle star ko chhuaa. BSE ke midcap aur smallcap soochakaankon mein teji darj ki gayi. Midcap 32.82 ankon ki teji ke saath 8,467.22 par aur smallcap 30.36 ankon ki teji ke saath 9,015.73 par band hua. BSE ke 12 mein se 9 sectoron mein teji darj ki gayi. Svaasthya seva (2.59 feesadi), realty (2.00 feesadi),tej khapat upabhokta vastu (1.34 feesadi), bijli (0.78 feesadi) aur praudyogiki (0.52 feesadi) mein sarvaadhik teji darj ki gayi.

Sensex Mein 17 Ankon Ki Giraavat, Nifty Chhah Ank Neeche https://www.angrejinews.com/pic/52246