Sensex Mein 167 Ankon Ki Giraavat

Breaking »

Sensex Mein 167 Ankon Ki Giraavat

Mumbai: desh ke share baajaaron mein mangalvaar ko giraavat darj ki gayi. Pramukh soochakaank Sensex 167.37 ankon ki giraavat ke saath 24,549.51 par aur Nifty 41.05 ankon ki giraavat ke saath 7,318.00 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 31.22 ankon ki teji ke saath subah 24,748.10 par khula aur 167.37 ankon yaani 0.68 feesadi ki giraavat ke saath 24,549.51 par band hua. Dinbhar ke kaarobaar mein Sensex ne 24,777.31 ke oopari aur 24,422.33 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 4.05 ankon ki teji ke saath 7,363.10 par khula aur 41.05 ankon yaani 0.56 feesadi ki giraavat ke saath 7,318.00 par band hua. Dinbhar ke kaarobaar mein Nifty ne 7,372.95 ke oopari aur 7,274.75 ke nichle star ko chhuaa. BSE ke midcap soochakaank aur smallcap soochakaank mein bhi giraavat darj ki gayi. Midcap soochakaank 55.86 ankon ki giraavat ke saath 8,429.20 par aur smallcap soochakaank 40.00 ankon ki giraavat ke saath 8,883.65 par band hua. BSE ke 12 mein se chaar sectoron soochana praudyogiki (0.29 feesadi), svaasthya sevaaen (0.25 feesadi), praudyogiki (0.21 feesadi) aur dhaatu (0.04 feesadi) mein teji darj ki gayi. BSE ke bijli (2.14 feesadi), tel evam gas (1.92 feesadi), vaahan (1.31 feesadi), realty (0.90 feesadi) aur upabhokta tikaaoo vastuen (0.62 feesadi) sectoron mein sarvaadhik giraavat darj ki gayi.

Sensex Mein 167 Ankon Ki Giraavat https://www.angrejinews.com/pic/51875