Sensex Mein 10 Maheene Ki Sabse Badi Giraavat, 317 Ank Ludhka

Business »

Sensex Mein 10 Maheene Ki Sabse Badi Giraavat, 317 Ank Ludhka

Mumbai: Desh ke share baajaaron mein guruvaar ko giraavat ka rukh raha. Pramukh soochakaank Sensex 317.39 ankon ki giraavat ke saath 19,325.36 par aur Nifty 90.80 ankon ki giraavat ke saath 5,852.25 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 93.70 ankon ki giraavat ke saath 19,549.05 par khula aur 317.39 ankon yaani 1.62 feesadi ki giraavat ke saath 19,325.36 par band huaa. Din ke kaarobaar mein Sensex ne 19,554.65 ke oopari aur 19,289.70 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 33.40 ankon ki giraavat ke saath 5,909.65 par khula aur 90.80 ankon yaani 1.53 feesadi ki giraavat ke saath 5,852.25 par band huaa. Din ke kaarobaar mein Nifty ne 5,921.15 ke oopari aur 5,844.40 ke nichle star ko chhuaa. BSE ke midcap aur smallcap soochakaankon mein bhi giraavat darj ki gayi. Midcap soochakaank 110.37 ankon ki giraavat ke saath 6,607.44 par aur smallcap 116.11 ankon ki giraavat ke saath 6,557.61 par band huaa. BSE ke 13 mein se sirf ek sector upabhokta tikaaoo vastu (0.04 feesadi) mein teji darj ki gayi.

Sensex Mein 10 Maheene Ki Sabse Badi Giraavat, 317 Ank Ludhka https://www.angrejinews.com/pic/2434