Sensex 74 Ankon Ki Giraavat Ke Saath Band

Breaking »

Sensex 74 Ankon Ki Giraavat Ke Saath Band

Mumbai: desh ke share baajaaron mein kaarobaari saptaah ke pehle din somvaar ko giraavat darj ki gayi. Pramukh soochakaank Sensex 74.19 ankon ki giraavat ke saath 25,031.32 par aur Nifty 18.10 ankon ki giraavat ke saath 7,493.35 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 2.58 ankon ki teji ke saath 25,108.09 par khula aur 74.19 ankon yaani 0.30 feesadi ki giraavat ke saath 25,031.32 par band hua. Dinbhar ke kaarobaar mein Sensex ne 25,197.50 ke oopari aur 24,878.66 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 2.55 ankon ki teji ke saath 7,514.00 par khula aur 18.10 ankon yaani 0.24 feesadi ki giraavat ke saath 7,493.35 par band hua. Dinbhar ke kaarobaar mein Nifty ne 7,534.80 ke oopari aur 7,441.60 ke nichle star ko chhuaa. BSE ke midcap soochakaank aur smallcap soochakaank mein haalaanki teji darj ki gayi. Midcap soochakaank 56.11 ankon ki teji ke saath 9,018.07 par aur smallcap soochakaank 55.13 ankon ki teji ke saath 9,816.35 par band hua. BSE ke 12 mein se aath sectoron mein teji darj ki gayi. Tel evam gas (1.43 feesadi), dhaatu (1.13 feesadi), vaahan (0.73 feesadi), poonjeegat vastuen (0.55 feesadi) aur svaasthya sevaaen (0.48 feesadi) mein sarvaadhik teji darj ki gayi. BSE ke chaar sectoron tej khapat upabhokta vastuen (4.06 feesadi), soochana praudyogiki (1.56 feesadi), praudyogiki (1.12 feesadi) aur upabhokta tikaaoo vastuen (0.90 feesadi) mein giraavat darj ki gayi.

Sensex 74 Ankon Ki Giraavat Ke Saath Band https://www.angrejinews.com/pic/54868