Sensex 319 Ank Chadhkar Nai Oonchaai Par

Breaking »

Sensex 319 Ank Chadhkar Nai Oonchaai Par

Mumbai: desh ke share baajaar saptaah ke aakhiri kaarobaari din shukravaar ko shaanadaar teji ke saath band hue. Pramukh soochakaank Sensex 318.95 ankon ki teji ke saath 24,693.35 par aur Nifty 90.70 ankon ki teji ke saath 7,367.10 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 160.74 ankon ki teji ke saath 24,535.14 par khula aur 318.95 ankon yaani 1.31 feesadi ki teji ke saath 24,693.35 par band hua. Dinbhar ke kaarobaar mein Sensex ne 24,745.86 ke oopari aur 24,470.78 ke nichle star ko chhuaa. national stock exchange (NSE) ka 50 sheyaron par aadhaarit samvedi soochakaank Nifty 30.10 ankon ki teji ke saath 7,306.50 par khula aur 90.70 ankon yaani 1.25 feesadi teji ke saath 7,367.10 par band hua. Dinbhar ke kaarobaar mein Nifty ne 7,381.00 ke oopari aur 7,293.90 ke nichle star ko chhuaa. BSE ke midcap aur smallcap soochakaankon mein bhi teji darj ki gayi. Midcap 150.10 ankon ki teji ke saath 8,668.32 par aur smallcap 167.34 ankon ki teji ke saath 9,128.04 par band hua. BSE ke 12 mein se 10 sectoron mein teji darj ki gayi. Bijli (3.66 feesadi), tel evam gas (2.16 feesadi), poonjeegat vastu (2.15 feesadi), realty (2.10 feesadi) aur dhaatu (2.10 feesadi) mein sarvaadhik teji darj ki gayi.

Sensex 319 Ank Chadhkar Nai Oonchaai Par https://www.angrejinews.com/pic/51500