Sensex 269 Ank Ki Chhalaang Se 38,000 Ank Ke Paar

Business »

Sensex 269 Ank Ki Chhalaang Se 38,000 Ank Ke Paar

Mumbai, 15 March (bhaasha) Mumbai share baajaar mein teji ka silsila shukravaar ko lagaataar paanchavein kaarobaari satr mein jaari raha aur Sensex 269 ank ki badhat se 38,000 ank ke paar nikal gaya. Sakaaraatmak vaishvik rukh ke beech videshi koshon ka pravaah badhne aur rupaye mein majabooti se baajaar mein teji rahi. Mumbai share baajaar ka 30 sheyaron wala Sensex dopahar ke kaarobaar mein kareeb 500 ank tak chadh gaya tha. Ant mein yeh 269.43 ank ya 0.71 pratishat ki badhat ke saath 38,024.32 ank par band hua. National stock exchange ka Nifty bhi 83.60 ank ya 0.74 pratishat ki badhat ke saath 11,426.85 ank par band hua. Sensex ki companiyon mein kotak bank ka share sabse adhik 4.31 pratishat chadh gaya. paavaragrid, TCS, ICICI bank, SBI, echaseeel tech, NTPC, infosis, Bajaj finance, HDFC, HDFC bank, ONGC, vedaanta aur indasaindas bank ke share 2.84 pratishat tak chadh gaye. vaheen doosari or Hindustan Unilever, yas bank, ITC, bhaarati Airtel, Reliance industries, sanafaarma aur eksis bank ke share 2.16 pratishat tak toot gaye. kotak securities ke upaadhyaksh (peeseeji research) sanjeev jarabaade ne kaha ki pichhle saptaah Sensex kareeb 3.5 pratishat chadha. Unhonne kaha ki chunaav poorv sarvekshan raashtreeya janataantrik gathabandhan (raajag) ki satta mein vaapasi ki baat kah rahe hain, jiski vajah se videshi sansthaagat niveshakon ka nivesh badha hai. is beech, share baajaaron ke asthaayi aankadon ke anusaar videshi sansthaagat niveshakon ne bruhaspativaar ko shuddh roop se 1,482.99 karod rupaye ke share khareede. Vaheen ghareloo sansthaagat niveshakon ne 817.77 karod rupaye ki bikvaali ki.

Sensex 269 Ank Ki Chhalaang Se 38,000 Ank Ke Paar https://www.angrejinews.com/pic/261392