Sensex 23 Pauints Chadha, Nifty 7359 Par Band

Business » Monday, May 26, 2014

Mumbai ​ desh ke share baajaaron mein saptaah ke pehle kaarobaari din somvaar ko teji darj ki gayi. Pramukh soochakaank Sensex 23.53 ankon ki teji ke saath 24,716.88 par aur Nifty 8.05 ankon ki giraavat ke saath 7,359.05 par band hua. Bombay stock exchange (BSE) ka 30 sheyaron par aadhaarit samvedi soochakaank Sensex 220.54 ankon ki teji ke saath 24,913.89 par khula aur 23.53 ankon yaani 0.10 feesadi ki teji ke saath 24,716.88 par band hua. Dinbhar ke kaarobaar mein Sensex ne 25,175.22 ke oopari aur 24,433.90 ke nichle star ko chhuaa. Naishanal stock exchange (NSE) ka 50 sheyaron par aadhaarit samvedi soochakaank Nifty 61.65 ankon ki teji ke saath 7,428.75 par khula aur 8.05 ankon yaani 0.11 feesadi ki giraavat ke saath 7,359.05 par band hua. Dinbhar ke kaarobaar mein Nifty ne 7,504.00 ke oopari aur 7,269.05 ke nichle star ko chhuaa. BSE ke midcap soochakaank aur smallcap soochakaank mein haalaanki giraavat darj ki gayi. Midcap soochakaank 183.26 ankon ki giraavat ke saath 8,485.06 par aur smallcap soochakaank 204.39 ankon ki giraavat ke saath 8,923.65 par band hua. BSE ke 12 mein se chhah sectoron mein teji darj ki gayi. Vaahan (1.47 feesadi), soochana praudyogiki (1.46 feesadi), praudyogiki (0.81 feesadi), poonjeegat vastuen (0.56 feesadi) aur tej khapat upabhokta vastuen (0.23 feesadi) mein sarvaadhik teji darj ki gayi. BSE ke realty (5.22 feesadi), bijli (2.94 feesadi), upabhokta tikaaoo vastuen (2.00 feesadi), tel evam gas (1.55 feesadi) aur banking (0.74 feesadi) sectoron mein giraavat darj ki gayi.