Sensex 14 Point Chadha, Nifty 7275.5 Par Band

Business »

Sensex 14 Point Chadha, Nifty 7275.5 Par Band

nai Delhi baajaar mein mangalvaar ko pichhle dinon ki tulana mein jyaada teji ya giraavat naheen dikhaai padhaai. Yahi vajah rahi ki Sensex aur Nifty lagbhag kal ke hi star par band hue. BSE 14 ankon ki maamooli badhat ke saath 24,377 point par band hua. NSE kareeb 0.2 feesadi chadhkar 12 ankon ki badhat ke saath 7275.5 point par band hua. Din ke kaarobaar mein Sensex 24,587 tak chadha tha, to Nifty ne 7,353.6 ke oopari star tak chhalaang lagaai thi. Isse pehle somvaar ko record oonchaai par hone ke baad mangalvaar ko bhi baajaar ne tej shuruaat ki. Vaishvik baajaar mein teji ke rukh ke beech kaarobaariyon evam niveshakon ki or se chuninda sheyaron ki khareed badhaae jaane se Mumbai share baajaar ka soochakaank shuruaati kaarobaar mein 224 ank badhkar 24,587.16 ank par pahunch gaya. National stock exchange ka Nifty bhi 90.10 ank yaani 1.24 feesadi ki teji ke saath 7,353.65 ank par pahunch gaya.

Sensex 14 Point Chadha, Nifty 7275.5 Par Band https://www.angrejinews.com/pic/51154