Sensex 139 Ank Chadha, TCS Mein Paanch Pratishat Ka Laabh

Business »

Sensex 139 Ank Chadha, TCS Mein Paanch Pratishat Ka Laabh

Mumbai, 15 April (bhaasha) share baajaaron mein somvaar ko lagaataar teesare kaarobaari satr mein badhat ka silsila kaayam raha aur Sensex 139 ank aur chadh gaya. Timaahi nateejon ke season ki shuruaat achhi rahi hai. IT kshetr ki company TCS beete vitt varsh ki chauthi timaahi ka ekeekrut shuddh laabh 17.7 pratishat badha hai. Isse niveshakon ki dhaarana ko bal mila. videshi koshon ke satat pravaah ke beech dhaatu, vaahan aur IT sheyaron mein laabh raha. vitt varsh 2018-19 ki chauthi timaahi mein TCS ka ekeekrut shuddh laabh 17.7 pratishat badhkar 8,126 karod rupaye par pahunch gaya. Infosis ka chauthi timaahi ka shuddh laabh 10.5 pratishat badhkar 4,078 karod rupaye raha hai. Sensex ki companiyon mein TCS ka share 4.78 pratishat chadh gaya. Haalaanki, Sensex ki companiyon mein sabse adhik laabh tata motors mein darj hua. Company ka share 7.04 pratishat chadh gaya. TCS, kol India, tata steel, hero Motocorp, kotak bank, echaseeel tech, bhaarati Airtel, HDFC bank, Bajaj auto aur NTPC ke share 4.78 pratishat tak chadh gaye. vaheen doosari or infosis ka share 2.83 pratishat toot gaya. Raajasv ke anumaan ke morche par chinta ki vajah se company ka share neeche aaya. anya companiyon mein sanafaarma, yas bank, ONGC, asian peints, HDFC, ICICI bank, L, ITC aur Reliance industries 1.26 pratishat neeche aae. is beech, share baajaaron ke asthaayi aankadon ke anusaar videshi sansthaagat niveshakon ne shukravaar ko 897.45 karod rupaye ke share khareede. Vaheen ghareloo sansthaagat niveshakon ne 15.99 karod rupaye ke share beche.

Sensex 139 Ank Chadha, TCS Mein Paanch Pratishat Ka Laabh https://www.angrejinews.com/pic/268077