Sena Ne Niyantran Rekha Mein Ghuspaith Ka Prayaas Vifal Kiya

India »

Sena Ne Niyantran Rekha Mein Ghuspaith Ka Prayaas Vifal Kiya

Jammu: Sena ne Jammu-Kashmir ke raajauri sector mein niyantran rekha par paanch aatankvaadiyon ke ek samooh ke ghuspaith ke prayaason ko vifal kar diya. Is kshetr mein sena ne vyaapak talaashi abhiyaan chalaaya hai. Raksha janasanpark adhikaari esaen aachaarya ne kaha, tadke raajauri ke bheemaber gali briged mein baalaakot sector ke hameerapur ilaake mein niyantran rekha ke paas satark sena ke javaanon ne chaar-paanch logon ke samooh ki sandigdh gatividhiyaan dekhi. Iske tatkaal baad ilaake ko gher liya gaya aur sainikon ne ghuspaith ka prayaas kar rahe samooh ko chunauti di. Unhonne kaha ki iske baad in logon ne jhaadiyon ki ot se sainikon par goleebaari shuroo kar di. Aachaarya ne kaha ki sainikon ne javaab mein goli chalaai. Goleebaari subah kareeb chhah baje ruki. Ghuspaithiye sambhavat: Andhere aur durooh bhaugolik sthiti ka laabh uthaate hue bach nikle.

Sena Ne Niyantran Rekha Mein Ghuspaith Ka Prayaas Vifal Kiya https://www.angrejinews.com/pic/2110