Semifinal Mein Punjab Se Haari Haryana Ki Team

India »

Semifinal Mein Punjab Se Haari Haryana Ki Team

ek samvaadadaata . Gurgaon Rajasthan ke Jodhpur mein chal rahe Rajiv Gandhi memoriyl football cup ke semifinal match mein Haryana ko haar ka saamana karna pada. Punjab ilektrik board ne match ke aakhiri 5 minute mein gol daagakar Haryana ko 2-1 se hara diya. Semifinal match ka pehla gol Punjab ki or se kiya gaya tha. Uske kuchh samay baad hi Haryana ne gol daagakar hisaab baraabar kar diya. Lekin match ke antim kshanon mein hue gol ne Haryana ko dabaav mein la diya. Team ke paas doosare gol ka javaab dene ke liye mahaj 3 minute ka samay hi bacha tha. Is samay mein gol karne mein Haryana ke khilaadi naakaam rahe aur unki team ka final mein pahunchane ka sapana toot gaya. Haalaanki, Haryana ki team top 4 mein apni jagah sunishchit karne mein safal rahi hai. Team ke coach sumesh bagga aur Mahendra Singh ne bataaya ki poore tournament mein team ka pradarshan achha raha. Semifinal match ke antim kshanon mein virodhi team ne gol daagakar unase match chheen liya. Yah mukaabala bhi takkar ka tha. Unhonne bataaya ki is haar ke baad khilaadiyon mein kisi tarah ki niraasha naheen hai. Unhonne bataaya ki antim kshanon mein match par pakad banaae rakhane ke liye vah khilaadiyon ko aur tips deinge. Isse pehle team ne kvaurtar final match mein Jodhpur ko haraaya tha.

Semifinal Mein Punjab Se Haari Haryana Ki Team https://www.angrejinews.com/pic/6275