Semifinal Mein Haare Federer

Sports »

Semifinal Mein Haare Federer

Hamburg. . Aisa lag raha hai Roger Federer ka jalwa ab beete dinon ki baat ho gayi hai. Tennis court par unki maujoodagi ab pratidvandi khilaadi ke man mein vaisi halachal paida naheen kar paati jaisa kuchh maheenon pehle hoti thi. Ek dashak tak court mein apni baadashaahat kaayam rakhane vaala Yeh khilaadi shanivaar ko jarman tennis chainpiynaships ke semifinal mein apan se behad kam ranking vaale khilaadi se seedhe seton mein haar gaya. Record 17 baar grand slam khitaab jeetne vaale is mahaan khilaadi ko tournament ke semifinal mein 114veen ranking ke khilaadi ke haathon haar ka saamana karna pada. 22 saal ke arjeintini khildi fedariko delabonis ne apne career ki sabse badi jeet haasil karte hue poorv number ek Federer ko seedhe seton mein 7-6 (9-7), 7-6 (7-4) se hara diya. Jeet ke baad fedariko ne kaha ki aisa lag raha hai ki jaise main sapana dekh raha hoon. Is haar ke baad 31 saal ke Federer ke career par savaal uthane lage hain. Federer Hamburg mein chaar baar khitaab jeet chuke hain. Paanchavein paayadaan par kaabij Federer ki 2003 ke baad se Yeh sabse nichli ranking hai.

Semifinal Mein Haare Federer https://www.angrejinews.com/pic/16834