'Sehwag Shaayad Dobaara Bhaarat Ke Liye Naheen Khel Sakeinge

Cricket » Thursday, April 11, 2013

Nai Delhi. . England ke poorv ballebaaj Geoffrey baayakaat ne kaha ki Virendra Sehwag ka dobaara Bhaarat ke liye khelna sambhav naheen hai aur Indian Premier league mein kuchh match khelne ke baad 'Dukhad roop se usaki vidaai' ho jaayegi. Sehwag ko haal mein Australia ke khilaaf test series mein antim do test maichon ki team se baahar kar diya gaya tha, unhein champions trophy ke liye chune gaye 30 sambhaavit khilaadiyon ki soochi mein bhi shaamil naheen kiya gaya. Baayakaat ne 'ESPN cricinfo' ke ek sho mein kaha, 'Mujhe naheen lagta ki vah dobaara kheleinge. Mujhe aisa isliye lagta hai kyonki bhaarateeya team sahi disha mein aage badh rahi hai. Unhein yahaan tak pahunchane ke liye thoda samay laga. Unhonne ab yuva khilaadiyon ko mauka diya hai. ' April 2012 ke baad se aath test maichon mein Sehwag 31.38 ke ausat se keval 408 run hi bana sake hain jismein 117 run sarvashreshth the. Isi dauraan chhah one-day maichon mein unhonne 30.5 ke ausat se 183 run banaae the aur England ke khilaaf one-day series ke liye unhein team se baahar kar diya gaya tha. Sehwag ne one-day mein December 2011 mein vest Indies ke khilaaf dohara shatak lagaakar rekaurd banaaya tha. Baayakaat ne kaha ki Bhaarat ne raashtreeya team mein yuva khilaadiyon ko shaamil karke sahi cheej ki hai. Unhonne kaha, 'England se haarne ke baad main lagaataar kar raha tha ki aapko in yuva ballebaajon ko mauka dena chaahiye. Aapko unhein team mein shaamil kar vishv cup ke liye apni team taiyaar karni chaahiye. Mere is vichaar mein koi badlaav naheen huaa. Aap one-day mein vishv champion ho, aapko aage badhna chaahiye. Yah maayane naheen rakhata ki aap kauna ho, main hamesha kehta hoon ki um, koi baadha naheen hai, sirf pradarshan aham hota hai. ' baayakaat ne kaha ki Sehwag pichhle 20 saalon ke sarvashreshth ballebaajon mein se ek hain aur difeinsiv takaneek hi unki ekamaatr khaami hai. Unhonne kaha, 'Vah apne hi tareeke se khelta hai aur kabhi-kabhaar kuchh pichon par kaafi safal bhi raha hai. Lekin jab geind jyaada moov karti hai aur ismein jyaada uchhaal hota hai to usaki difeinsiv takaneek ka khulaasa ho jaata hai. Lekin, Sehwag ne apne tareeke se khelte hue hi run banaae hain.