Sehwag Ne Kaha, Viviyn Richrds Ka Mantra Kaam Aaya

Cricket » Sunday, April 21, 2013

nai Delhi. . Delhi Daredevils ko lagaataar 6 haar ke baad ravivaar ko viviyn richrds ka diya mantra kaam aaya. Viviyn richrds ko Delhi Daredevils ka salaahakaar banaaya gaya hain. Visfotak paari khelne ke baavajood Virendra Sehwag ne Mumbai Indians par damadaar jeet ka shreya vest Indies ke is mahaan ballebaaj ko diya. Naabaad 95 run banaane vaale Sehwag ne Delhi ki 9 wicket se jeet ke baad kaha ki richrds ki 'Jhaansa dene' ki salaah ke baad unka aatmavishvaas badha. Unhonne kaha, 'Mujhe laga ki main shaanadaar form mein hoon. Richrds ne jhaansa dene ke baare mein baat ki thi aur kaha tha ki yadi ballebaaj andar se dar bhi raha ho to use dikhaana chaahiye ki vah aatmavishvaas se bhara huaa hai. Isse madad mili. ' Sehwag ne match ke baare mein kaha, 'Jab main achhi ballebaaji karta hoon to match par niyantran banaane ki koshish karta hoon. Aap yah kah sakte hain ki aaj hava ka rukh Delhi ki taraf tha. ' unhonne kaha, '6 haar ke baavajood humne praiktis aur fitness par dhyaan diya. '