Seema Par Apne Hiton Ki Raksha Kareinge Antony

Breaking »

Seema Par Apne Hiton Ki Raksha Kareinge Antony

vishesh pratinidhini Delhi. . Laddakh ilaake mein cheeni sainikon ki ghuspaith aur vahaan jame rahane se paida haalaat se nipatne ke liye Bhaarat har jaroori kadam uthaaega. Raksha mantri A. Ke. Antony ne sansad bhavan mein media ke savaal ke javaab mein kaha ki ham apne hiton ki raksha ke liye har kadam utha rahe hain. Gaurtalab hai ki videsh mantraalaya is masale par cheeni adhikaariyon ke sampark mein hai. Is tarah ke masalon se nibatne ke liye ek saajha maikenijm banaaya gaya hai jismein donon deshon ke videsh mantraalaya ke sanyukt sachiv star ke adhikaari shaamil hain. Poorvi Laddakh ke ilaake mein cheeni sainikon ke ghus aane ki report par tippani karte hue yahaan videsh mantraalaya ke adhikaariyon ne kaha tha ki is masale par cheeni adhikaariyon se sampark kiya ja raha hai. Poorvi Laddakh mein cheeni sainikon ka ek dal pichhle kuchh dinon se jama hai aur vahaan apni maujoodagi ke nishaan chhod raha hai. Sainya sootron ke mutaabik Bhaarat aur cheen ke beech chaar hajaar kilometer lambi vaastavik niyantran rekha ki pehchaan naheen hone ke bahaane cheeni sainik aksar Bhaarat ki or badh jaate hain aur us ilaake par apna paramparaagat adhikaar bataane ke liye chattaanon par cheen likh dete hain. Cheen ne taaja ghuspaith daulat beg oldi ilaake mein ki hai, jahaan unhonne apne teint laga diye hain. Yah ilaaka kareeb 17 hajaar feet ki oonchaai par hai. Gaurtalab hai ki agale maheene teesare hafte mein cheen ke PM ka Bhaarat aane ka kaaryakram banaaya ja raha hai aur iske pehle raksha mantri A. Ke. Antony bhi cheen ja sakte hain, isliye in uchchastareeya dauron ke pehle agar yah masala naheen nipta to in dauron par savaal uthaae ja sakte hain. Bhaarat ki or se pehle hi Bhaarat Tibet seema police ke javaanon ko is ilaake mein ravaana kar diya gaya hai. Bhaarat ki or se cheeni sainikon ke saath flaig meeting ka bhi prastaav rakha gaya tha jiske baare mein yahaan aadhikaarik star par koi jaankaari naheen di gayi hai.

Seema Par Apne Hiton Ki Raksha Kareinge Antony https://www.angrejinews.com/pic/6406