Seedhe Shiksha Mitron Ke Account Mein Aaegi Sailari

India »

Seedhe Shiksha Mitron Ke Account Mein Aaegi Sailari

amit Agrawal . Haapud UP ke primary schoolon mein kaam karne vaale 1.70 lakh shiksha mitron ko maanadeya ka bhugataan seedhe unke account mein kiya jaaega. Is prakriya ke shuroo hone se shiksha mitron ko pradhaanon ki manamaani se nijaat mil sakegi. July maheene se sailari shiksha mitron ke account mein aane lagegi. Is sambandh mein pramukh sachiv suneel Kumar ne shiksha mitron ka vivran taiyaar karne ke liye sarv shiksha abhiyaan ke raajya pariyojana nideshak aur besik shiksha nideshak Lucknow ko nirdesh diya hai. Shiksha mitron ko sarkaar har maheene 3500 rupaye deti hai. Graameen kshetr ke shiksha mitron ka maanadeya gram pradhaan aur principle va shahari kshetr mein nagar paalika sabhaasad aur principle ke jauint account mein aata hai. Shiksha mitron ko iska bhugataan check ke jariye kiya jaata hai. Ise lene ke liye shiksha mitron ko gram pradhaan aur paalika sabhaasad ke gharon ke chakkar kaatne padte hain. Kaheen kaheen to check lene ke liye suvidha shulk bhi dena padta hai. Shiksha mitr pichhle kaafi samay se pradesh sarkaar se maang karte aa rahe hain ki unka maanadeya pradhaan aur sabhaasad ke khaaton mein na bhejkar seedha unke account mein bheja jaae. Is sambandh mein pradesh ke pramukh sachiv suneel Kumar ne sarv shiksha abhiyaan raajya pariyojana nideshak aur besik shiksha nideshak ko nirdesh diya hai ki ve shiksha mitron ke maanadeya ka bhugataan online kiye jaane ke liye unka vivran taiyaar karein. Iske liye shiksha mitron dvaara soochanaaen khand shiksha adhikaari aur nagar shiksha adhikaari kaaryaalaya par 15 April tak upalabdh karaana hoga. Khand shiksha adhikaari munshi laal Patel ne bataaya ki shiksha mitron ke shaikshik mool pramaan patra kaaryaalaya mein satyaapan ke liye aa rahe hain.

Seedhe Shiksha Mitron Ke Account Mein Aaegi Sailari https://www.angrejinews.com/pic/5582