Secular Neta Hain Narendra Modi BJP

Breaking »

Secular Neta Hain Narendra Modi BJP

Vishesh samvaadadaata . Nai Delhi bhaarateeya janta party (BJP) ne kaha hai ki 1984 ke sikh virodhi dangon ki tulana, Gujarat ke dangon se naheen ki ja sakti. Keindreeya mantri veerappa moili ne donon dangon ki tulana ki thi. BJP pravakta captain abhimnyu ne kaha ki Gujarat dangon mein Modi par koi seedha aarop naheen hai jabki sikh dangon mein Congress ke kai netaaon ko na sirf naamajad kiya gaya balki kai kamitiyon ne unhein jimmedaar bhi thaharaaya. Gujarat mein Modi se pehle bhi dange hote rahe hain lekin 2002 ke baad Modi ke shaasan mein ek baar bhi danga naheen huaa. Isse pata chalta hai ki Modi secular neta hain. Neeteesh Kumar ke Modi ko secular na maanane ke baare mein poochhe gaye savaal par pravakta ne kaha ki neeteesh ne kabhi bhi Modi ke secular hone par seedhe koi tippani naheen ki hai. Party ne yah bhi kaha hai ki shaayad Congress ke neta Modi fobiya ki maanasikta se baahar naheen nikal pa rahe hain. 84 ke dangon ka sach saari duniya jaanti hai. Un dangon ki Gujarat ke dangon se tulana karna bemaani hai. BJP neta ne kaha ki party ko moili ke bayaan par isliye hairaani hai kyonki keindreeya mantri aisa kah rahe hain.

Secular Neta Hain Narendra Modi BJP https://www.angrejinews.com/pic/5382