School Parisar Mein Choron Ne Li Yuvak Ki Jaan

India »

School Parisar Mein Choron Ne Li Yuvak Ki Jaan

enabeeti news . Firojaabaad : Thaana sirsaaganj ilaake mein choron ne ek school karmachaari ki int-pattharon se maar-maarkar hatya kar di. Bataaya ja raha hai ki gaanv malaahapur sthit kulabhooshan uchchatar maadhyamik vidyaalaya mein mangalvaar ki raat chor ghus aae. Is beech vahaan so rahe ek yuvak sukhalaal (40) ne choron ki aahat sun li. Usane choron ka virodh kiya. Is par choron ne yuvak ko daboch liya aur use int-pattharon se itna maara ki usaki maut ho gayi. Uske baad chor school ke kamre mein rakhi sarason ki fasal le gaye. Budhvaar ko parisar mein sukhalaal ko mrut paakar school ke sanchaalak ne ghatna ki jaankaari police ko di. Soochana milte hi mauke par pahunchi police ne ghatna sthal ka nireekshan kiya aur shav ko apne kabje mein lekar postmortem ke liye jila aspataal bhej diya. Police ne agyaat logon ke khilaaf sambandhit thaane mein hatya ki report darj ki hai.

School Parisar Mein Choron Ne Li Yuvak Ki Jaan https://www.angrejinews.com/pic/4399