Savita Case Abaurshan Kaanoonon Par Faisala Isi Saal

World »

Savita Case Abaurshan Kaanoonon Par Faisala Isi Saal

London. . Ireland ki sarkaar ne kaha hai ki vah yah saal khatm hone se pehle apne sakht abaurshan kaanoonon par koi faisala le legi. Abaurshan se inkaar ki vajah se bhaarateeya dentist savita halappanavaar ki maut ke chalte Ireland par abaurshan kaanoonon mein badlaav ka dabaav kaafi badh gaya hai. Udhar, Ireland ke pradhaanamantri enda keni ne abaurshan kaanoonon ke mudde par teji se kaarravaai ka aashvaasan diya hai. Unhonne is masale par shaantipoorn, samvedansheel aur tarkasangat baatcheet ki gujaarish ki hai. Doosari taraf keni ki party ke kai sadasyon ne kaha hai ki is maamale se teji se nipatne ke liye un par dabaav daala ja raha hai. Aayarish sarkaar ne ek visheshagya samooh ki report jaari ki hai. Iski niyukti yooropiyn court of hyooman raaits ke faisale se nipatne ke liye vikalp sujhaane ke maksad se ki gayi thi. Court ne kaha ki Ireland mein aayarish garbhavati mahilaaon ko mile abaurshan se jude adhikaaron ke baare mein nishchit vyavastha honi chaahiye. Report mein yooropiyn court of hyooman raaits ke faisale aur samvidhaan ki jarooraton ko laagoo karne ke liye kai vikalp sujhaae gaye hain. Gaurtalab hai ki 28 October ko 31 saal ki savita halappanavaar ki gailave university hauspitl mein maut ho gayi thi. Doctoron ne 'Ireland ke kaithalik desh' hone ki baat kah kar savita ka abaurshan karne se inkaar kar diya tha. Baad mein blood pauyjning ke chalte unki maut ho gayi. Visheshagya samooh ki niyukti adaalat ke 2010 ke faisale ka javaab dene ke liye sarkaar ko salaah dene ke maksad se ki gayi thi. Adaalat ne kaha tha ki Ireland Supreme court ki or se 1992 ke 'Ex' maamale mein di gayi vyavastha ke anusaar, maan ke jeevan ke samvaidhaanik adhikaar ko poori tarah se laagoo karne mein naakaamayaab raha hai

Savita Case Abaurshan Kaanoonon Par Faisala Isi Saal https://www.angrejinews.com/pic/3476