Sautele Pita Ne Kiya Saathiyon Ke Saath Gang-rape

India »

Sautele Pita Ne Kiya Saathiyon Ke Saath Gang-rape

S samvaadadaata . Bulandashahar ek ladki ne apne sautele pita par apne 2 saathiyon ke saath milkar somvaar ki raat gang-rape karne aarop lagaaya hai. Peedit ladki ne mangalvaar ko SSP office mein maamale ki tahareer di. Virodh karne par pita ne ladki aur usaki maan ki pitaai bhi ki. Ladki ne Secundarabad police par shikaayat darj naheen karne ka aarop lagaaya hai. Jaankaari ke mutaabik, Secundarabad kotavaali sthit muhalla kaalaapeer nivaasi ek mahila ke pati ki 4 saal pehle maut ho gayi thi. Pehle pati se mahila ki 2 betiyaan hain. Aarthik pareshaani hone par usane haashim naam ke yuvak se doosari shaadi kar li. Somvaar ki raat ko haashim apne 2 saathiyon ke saath ghar aaya. Aarop hai ki usane saathiyon ke saath milkar patni ke saamane hi apni sauteli beti ke saath gang-rape kiya. Peedit ladki ki maan ne jab pati ki harkaton ka virodh kiya to teenon aaropiyon ne donon maan-beti ki pitaai ki. Bataaya ja raha hai ki ghatna ke samay aaropi haashim ne patni ka haath-pair baandh diya tha. Doosari taraf, jab peedit ladki maamale ki shikaayat karne Secundarabad police ke paas pahunchi to kathit roop se use taraka diya gaya. Uske baad peedit ladki ne SSP ke office mein maamale ki tahareer di. Is maamale mein SP city Ajay saahani ne bataaya ki vah mangal diwas ki vajah se Secundarabad mein hanai. Peedita ko har haal mein nyaaya dilaaya jaaega.

Sautele Pita Ne Kiya Saathiyon Ke Saath Gang-rape https://www.angrejinews.com/pic/9316