Satta Kiske Saath Karnataka Mein Voting Aaj

Breaking »

Satta Kiske Saath Karnataka Mein Voting Aaj

gulashan rai khatri nai Delhi. . Kadi suraksha ke beech Karnataka ki kul 224 vidhaanasabha seaton mein 223 seaton ke liye aaj voting hogi. Ek seat par BJP ummeedavaar ki maut ho jaane ke kaaran ab vahaan 28 May ko matadaan hoga. Is beech, poore Karnataka mein prachand garmi ko dekhte hue chunaav aayog ne vahaan voting ki avadhi ek ghante ke liye badha di hai. Ab vahaan subah 7 baje se lekar shaam ke 6 baje tak vote daale jaaenge. Ek charan ki voting mein lagbhag 4.5 karod votar raajya mein agali sarkaar kiski hogi iska bhavishya tay kareinge. Voton ki ginti 8 May ko honi hai. Chunaavi maidaan mein kul 2948 ummeedavaar khade hain jinmein 170 mahilaaen hain. Kis karvat baithega oont? Karnataka mein raajaneetik dal sambhaavit sameekaranon ko bithaane mein jute hue hain. Haalaanki yah maana ja raha hai ki is baar Congress ki seaton ki sankhya badhne ja rahi hai lekin yah savaal abhi bhi bana huaa hai ki Congress apne boote sarkaar bana paane mein kaamayaabi hogi ya fir use sarkaar banaane ke liye jedeees ya fir BS yedayurappa ki Karnataka janta party (kejeepi) mein se kisi ek ki madad leni hogi. Vaise BJP bhi khud ko kam aankane ke liye taiyaar naheen hai lekin yah maana ja raha hai ki agar Congress ko bahumat se 10 se 15 seatein kam milti hain aur lagbhag itni hi Karnataka janta party laati hai to Congress aur yedayurappa mein gathajod ho sakta hai. Bevafa aankadepichhli baar: Vidhaanasabha chunaav mein BJP ne 33.86 feesadi vote lekar 110 seaton par kabja kiya tha jabki Congress ko BJP se jyaada yaani 34.76 feesadi vote mile the lekin use seatein mahaj 80 hi mili theen. Us vakt raajya mein teesari taakat jedeees thi aur use 18.95 feesadi vote aur 28 seatein mili theen. Is baar: Is baar sameekaran bilkul alag hain. Is baar BJP se alag hue yedayurappa ki party alag taal thok rahi hai. Is tarah se is baar raajya mein satta ke liye chaar bade daavedaar hain. Haalaanki jaankaaron ka kehna hai ki is baar raajya mein jo haalaat hain, usamein hang assembly ki sambhaavana behad kam hai. Yah jaroor ho sakta hai ki jis tarah se pichhli baar BJP ko 110 seatein mili theen, vaise hi is baar bhi sabse adhik seat paane waali party ko bahumat ke aaspaas ki hi seatein milein. Kiski kismat mein kya raajya ke raajaneetik jaankaaron ka kehna hai ki agar Congress ko 90 se lekar 100 seatein milti hain to iska arth yah maana jaaega ki is baar Congress ko koi bada samarthan naheen mila. Use mahaj BJP ke negetiv vote ka hi faayda mila. Choonki raajya mein sarkaar banaane ke liye 113 seaton ki jaroorat hoti hai. Aise mein use ek sahayogi ki jaroorat hogi. Choonki jedeees badi daavedaar hai. Aise mein use 35 se 40 seatein mileingi aur Karnataka janta party 12 se 15 seatein la sakti hai. Raajya ke raajaneetik vishleshak hemant Kumar ke mutaabik in haalaat mein Congress, jedeees ki bajaay kejeepi ke saath jaana pasand karegi. Isse use bahumat bhi mil jaaega aur mantri pad bhi apekshaakrut kam dene honge. Vaise unka yah bhi kehna hai ki is baar BJP ki seatein kam hokar agar aadhi rah jaati hain to us sthiti mein yah saaf hai ki iska sabse jyaada faayda Congress ko milega aur kuchhek seatein kejeepi ke paale mein chali jaaengi.

Satta Kiske Saath Karnataka Mein Voting Aaj https://www.angrejinews.com/pic/7678