Sasur Par Rape, Pati Par Maarapeet Ka Aarop

India »

Sasur Par Rape, Pati Par Maarapeet Ka Aarop

ek samvaadadaata . Sahaaranapur thaana dehaat kotavaali mein ek vivaahita ne apne sasur par rape ka iljaam lagaaya hai. Mahila ne jab yah baat pati ko bataai to aarop hai ki pati ne usase maarapeet karte hue ghar se nikaal diya. Police ne bhi shikaayat par dhyaan naheen diya. Aakhirkaar court ke aadesh par police ne sasur ke khilaaf rape aur pati ke khilaaf ghareloo hinsa ka maamala darj kar liya hai. Mahila ka kehna hai ki usaki shaadi pichhle saal ke October maheene mein hui thi. Vivaahita ka aarop hai ki usaka sasur jinda hasan us par buri nigaah rakhata tha aur kai baar usase chhedchhaad bhi kar chuka tha. Is baare mein shikaayat karne par uske pati ne use kai baar peeta aur use chup kara diya. Is beech mauka paakar ek din uske sasur ne uske saath balaatkaar kiya. Is baat ki shikaayat karne par pati va sasur ne use ghar se baahar nikaal diya. Mahila ka kehna tha ki thaane mein police ne usaki guhaar naheen suni. Baad mein court ke aadesh par police ne aaropiyon ke khilaaf maamala darj kiya. Kaarravaai ki maang sthaaneeya logon ne SSP se milkar naabaalig se rape ke aaropi ke khilaaf kaarravaai na hone par naaraajagi jataai. Logon ki aguvaai kar rahe nandakishor sharma ne SSP ko bataaya ki naabaalig ladki ke saath 15 March ko sonoo putr shyaam laal ne rape kiya. Kotavaali police ne maamale ki report balaatkaar ki na banaakar doosari maamooli dhaaraaon mein banaai. Unhonne police se aaropi ko giraftaar karne ki maang ki.

Sasur Par Rape, Pati Par Maarapeet Ka Aarop https://www.angrejinews.com/pic/5191