'Saste Smaartafon Kanjyoomars Aur Mainyufaikcharars Ke Liye Faayademand

Business » Thursday, April 25, 2013

Bhaarat smaartafon ke sabse teji se badh rahe market mein se ek hai. Smaartafon ki keematon mein kami aane se yah jyaada users ki pahunch mein aa jaaega. Iti ke saath interview mein kaarban mobaails ke egjekyootiv director shashin devasare ne smaartafon mobile market ke avsaron aur chunautiyon ke baare mein baatcheet ki: Kya ham smaartafon mein tiping point par pahunch gaye hain. Aane vaale saalon mein kis tarah ke smaartafon ki demand badhegi? Is samay smaartafon market ki growth achhi hai. Yah bhaarateeya telikaum market ki sabse achhi baat hai. Bhaarateeya mobile haindaset market mein smaartafon ka hissa kareeb 12.2 feesadi hai. Iske aur badhne ki ummeed hai. Isse saaf hai ki aane vaale samay mein telikaum sector mein smaartafon market ki growth jyaada rahegi. Bhaarateeya smaartafon market teji se badh raha hai. Ise research aind market ki haaliya report se samjha ja sakta hai. Report ke anusaar 2015 tak mobile phone market mein smaartafon ka hissa kareeb 25 feesadi ho jaaega. Vaheen, 2016 tak 86 feesadi network divaaisej mobile kanekted ho jaaenge. Yah aankada bhaarateeya mobile data traffic ke 2011 se 2016 ke beech 126 feesadi seeejeeaar ke saath 58 guna badhne ki ummeed par aadhaarit hai. Ek tarah se Bhaarat ka Internet vaulyoom 2005 ki tulana mein 21 guna hoga. Bhaarateeya telecom sector ki growth mein yah segameint sabse aham bhoomika nibhaaega. Doosare deshon mein 10 feesadi hissedaari ko smaartafon mein tiping point maana gaya hai. Cheen mein aisa ho chuka hai. Kya yah Bhaarat ke liye sahi hai? Bhaarat ke smaartafon market mein bhaari-bharakam nivesh ho raha hai. Main 2015 tak mobile market mein smaartafon segameint ki hissedaari kam se kam 25 feesadi rahane ki ummeed kar raha hoon. Bhaarat abhi duniya ka doosra sabse bada mobile haindaset market hai. Aaideesi ki report ke anusaar aane vaale samay mein smaartafon segameint mein Bhaarat ki badi bhoomika hogi. Iske anusaar yahaan smaartafon segameint 2011-14 ke beech 57.5 feesadi ki raftaar se badhega. Isse saaf hai ki Bhaarat ke lihaaj se smaartafon ka tiping point 10 feesadi se adhik ke leval par rahega. Kya 5,000 rupae se kam keemat vaale smaartafon se mobile Internet aur phone market badhega? Bhaarat mein price seinsetiv kanjyoomar hain. Aise mein 5,000 rupae se kam keemat vaala smaartafon bonas ki tarah kaam karega. Yahaan par 90 feesadi mobile phone bajat kaitigri mein aate hain. Saste smaartafon praudakt ka faayda kanjyoomars aur mainyufaikcharars, donon ko milega. Isse mobiliti saulyooshans ko bade paimaane par kanjyoomars tak pahunchaaya ja sakega. Isse adhik se adhik logon tak Internet ki pahunch badhegi. Bhaarat mein smaartafon ko Internet divaais ke taur par dekha ja raha hai. Kya sambandhit iko-system aur 3ji ka kaust isko badhaane mein madadgaar honge? Yahaan 3ji aur 4ji par aadhaarit iko-system desh bhar mein mobile Internet kanektiviti ko badhaaega. Isse kanjyoomars ko network ka faayda milega. Mobile network oparetars pehle hi apne 3ji kaust ko 85 feesadi tak ghata chuke hain. Isse adhik se adhik kanjyoomars 3ji network ka faayda utha sakeinge.