Saste Cylinder Ki Sankhya Badhaana Aur Pratyaksh Subsidy Antaran Yojana Bhool Thi Mantraalaya

Breaking »

Saste Cylinder Ki Sankhya Badhaana Aur Pratyaksh Subsidy Antaran Yojana Bhool Thi  Mantraalaya

Nai Delhi: petrolium mantraalaya ne nai sarkaar ke samaksh rakhe jaane vaale muddon ki taiyaari kar li hai. Mantraalaya ka maanana hai ki saarvajanik kshetr ki tel companiyon ke apne mukhya kaamkaaj par dhyaan naheen de paane ki vajah se tel evam gas ka utpaadan teji se naheen badh pa raha hai. Mantraalaya ne yeh bhi kaha hai ki saste gas cylinder ki sankhya badhaana sahi kadam naheen tha. Narendra Modi sarkaar ke liye taiyaar apni prastuti mein mantraalaya ne kaha hai ki raashtreeya tel companiyaan ghareloo utkhanan ki taraf poora dhyaan naheen de pa rahi hain. Niji kshetr ki tel utkhanan companiyon ke saath hastaaksharit anunbadh ke Eid gird kaanooni vivaad sahit paanch aise mudde ismein ginaae gaye hain jo ki pichhli sanyukt pragatisheel gathabandhan (samprag) sarkaar ke kaaryakaal mein samasya ka kaaran rahe. is poore maamale se jude sootron ne bataaya ki ghareloo rasoi gas cylinder ki seema chhah se badhaakar 9 aur fir ise 9 se badhaakar 12 kiya gaya. Yeh naheen kiya jaana chaahiye tha. Mantraalaya ka yeh bhi maanana hai ki LPG par pratyaksh laabh antaran yojana (deebeeti) sahi naheen thi. Iske tahat graahak ko baajaar dar par rasoi gas cylinder khareedne hoti hai aur subsidy seedhe unke bank khaate mein bhej di jaati thi. mantraalaya ki prastuti mein jin anya kamiyon ko ginaaya gaya hai, usamein utpaadan saajhedaari anubandh (PSC) ko lekar kaanooni vivaad hai tatha ameriki pratibandh ke kaaran Iran ke saath judne ko lekar koi spashtata naheen hona bhi shaamil hai. Iske kaaran bade gas kshetr mein bhaageedaari mein deri hui. Saath hi Iran-Pakistan-Bhaarat gas paaipalaain par bhi asar pada. niji kshetr ki company Reliance industries ka vibhinn muddon ko lekar petrolium mantraalaya ke saath vivaad chal raha hai. KG besin mein lakshya se kam utpaadan rahana, tel evam gas ki koi khoj vaanijyik roop se vyavahaarik hai athva naheen yeh kaise pata chale. Jo samay desh mein tel evam gas ka utpaadan badhaane ke liye protsaahan dene mein lagana chaahiye tha vah samay nyaayaalaya mein kaanooni vivaadon ki ladaai mein beet raha hai. sootron ke anusaar mantrimandal sachiv ajit seth ke kehne par mantraalaya ne yeh prastuteekaran taiyaar kiya hai. Ismein is baat par bhi jor diya gaya hai ki ab tak ke anubhavon ke aadhaar par utpaadan bhaageedaari anubandh (PSC) mein badlaav kiya jaana chaahiye aur ise nae roop mein taiyaar kiya jaana chaahiye. sootron ke anusaar mantraalaya ka yeh bhi maanana hai ki tel evam praakrutik gas nigam (ONGC) petrorasaayan aur tel rifaaining tatha LNG terminal jaise kshetron mein vistaar kar rahi hai jiski vajah se tel evam praakrutik gas ki khoj evam utpaadan se usaka dhyaan bant raha hai. Mantraalaya ne isi sandarbh mein Hindustan petrolium kaurporeshan ka bhi udaaharan diya hai ki vah apni rifaaining ki mukhya gatividhi se hatkar cheeni mil laga rahi hai. mantraalaya ne kuchh upalabdhiyon bhi ginaai hain. Pichhle paanch saal mein chaar karod tan rifaainari kshamata jutaai gayi aur yeh 17.5 karod se badhkar 21.5 karod tan ho gayi. June 2010 se petrol ke daam ko niyantranamukt karne aur January 2013 se diesel ke daam mein har maheene halki vruddhi ke faisale ko bhi ismein bataaya gaya hai. Mantraalaya ne 53.30 lakh tan kachche tel ke bhandaaran ki vyavastha ke baare mein bhi bataaya hai. mantraalaya ne agale paanch saal ke liye kachche tel aur praakrutik gas ka utpaadan kam se kam 25 pratishat tatha rifaaining kshamata mein dhaai karod tan vruddhi ka lakshya rakha hai.

Saste Cylinder Ki Sankhya Badhaana Aur Pratyaksh Subsidy Antaran Yojana Bhool Thi Mantraalaya https://www.angrejinews.com/pic/51416