Sarvochch Nyaayaalaya Mein Shreenivaasan Ki Yaachika Khaarij

Breaking »

Sarvochch Nyaayaalaya Mein Shreenivaasan Ki Yaachika Khaarij

File photo File photo Nai Delhi: sarvochch nyaayaalaya ne guruvaar ko bhaarateeya cricket control board (BCCI) ke adhyaksh N shreenivaasan ki yaachika khaarij kar di. shreenivaasan ne apni shaktiyon ki punarbahaali ke liye yaachika daakhil ki thi. Yaachika khaarij ho jaane se unhein cricket sangh ke pramukh ke roop mein kaaryon ke nirvahan evam shaktiyon se abhi aur vanchit rahana hoga. sarvochch nyaayaalaya ke nyaayaadheesh nyaayamoorti BS chauhaan evam nyaayamoorti AK seekari ki peeth ne shreenivaasan ki yaachika par sunavaai karne se inkaar karte hue kaha ki ve doosari peeth dvaara jaari kiye gaye aadesh mein hastakshep naheen kareinge. nyaayaalaya ne kaha ki nyaayamoorti AK patanaayak shahar mein hi hain, aur unke aadesh par yadi shreenivaasan koi sanshodhan chaahate hain to unhein aavedan dein. nyaayamoorti chauhaan ne kaha, "Ham is yaachika par sunavaai naheen karne ja rahe. Ham yahaan kisi anya peeth dvaara jaari kiye gaye aadesh ka sanshodhan ke liye naheen aae hain. Nyaayamoorti patanaayak shahar mein hi honge. . Aap unke paas aavedan kar sakte hain. " nyaayamoorti seekari ne shreenivaasan ki taraf se nyaayaalaya ke samaksh upasthit varishth vakeel naageindr rai se kaha, "Jis aadesh mein aap badlaav chaahate hain, vah kisi ek paksh ki upasthiti mein sunaaya gaya aadesh naheen hai. Aadesh jab sunaaya gaya tab aap nyaayaalaya mein upasthit the. "

Sarvochch Nyaayaalaya Mein Shreenivaasan Ki Yaachika Khaarij https://www.angrejinews.com/pic/51395