Sarkaari School Ke 5 Bachche Garmi Se Behosh

Breaking »

Sarkaari School Ke 5 Bachche Garmi Se Behosh

enabeeti news . Hisaar aasmaan se baras rahi aag aur garm loo ke thapedon ne logon ka jeena muhaal kar diya hai. Hisaar mein taapamaan 47.1 degree celcius pahunch gaya. Pichhle chaar dinon se hisaar va aaspaas ke ilaakon mein taapamaan 46 degree celcius se oopar chal raha tha. Guruvaar subah se hi dhoop ne apna raudr roop dikhaana shuroo kar diya tha. 10 baje paara 41.4 degree celcius par pahunch gaya tha aur dopahar 3.30 baje yah 47.1 degree celcius par pahunch gaya. Is bheeshan garmi ne janajeevan ko ast-vyast kar daala. Yahaan ke chhotooraam chauk par ek vyakti tatha prem nagar mein ek yuvak garmi se behosh hokar gir pade. Sector 1-4 mein sthit sarkaari school mein paanch bachche garmi ki vajah se behosh ho gaye. Behosh hue chhaatron ravi, aman, sonam, komal va sonoo ko teechars ne turant praathamik upachaar kiya aur unhein hosh mein laaya. Students ke abhibhaavakon ne is ghatna ke baad schoolon mein chhuttiyaan karne ki maang ki hai. Jila shiksha adhikaari darshana devi ne bataaya ki badhti garmi ke chalte schoolon mein chhutti ke liye vibhaag ko prastaav bheja gaya hai. Udhar, garmi ke kaaran behosh hue ek yuvak ko saamaanya aspataal mein bharti karavaaya gaya. Moolaroop se yuvak naravaana vaasi hai aur kisi kaam ke liye hisaar aaya huaa tha. Loo va garmi ke kaaran usaki haalat naajuk ho gayi aur vah peram nagar ke paas behaashi ki haalat mein pada tha. Iske alaava sthaaneeya chhotooraam chauk par garmi ki vajah se behaashi ki haalat mein pade ek yuvak ko bhi aspataal pahunchaaya gaya.

Sarkaari School Ke 5 Bachche Garmi Se Behosh https://www.angrejinews.com/pic/9511