'Sarkaari Lakshya Poora Hone Par Vyaapaari Khareed Sakeinge Gehoon

Breaking »

'Sarkaari Lakshya Poora Hone Par Vyaapaari Khareed Sakeinge Gehoon

ek samvaadadaata . Haapud DM sooryapaal gangavaar ne janapad ke vyaapaariyon ke saath baithak kar nirdesh diya ki mandi shulk jama kar hi vyaapaari gehoon ki khareed karein. Avaidh roop se khareed hone par vyaapaari ke khilaaf kaarravaai ki jaaegi. Is baar janapad mein 28 hajaar maitrik tan sarkaari gehoon khareed ka lakshya rakha gaya hai, jiske poora hone ke baad hi vyaapaari kisaanon se gehoon khareed sakeinge. Is dauraan vyaapaariyon ne DM ko sarkaari gehoon kraya kendron par vyaapt aniyamitataon se avagat karaaya. Is par DM ne kaha ki aniyamitataon ko door karaane ke prayaas jaari hain. Saath hi unhonne kaha ki sarkaari gehoon kraya kendron par khareed shoonya hoti ja rahi hai. Unhonne vyaapaariyon se gehoon khareed mein sarkaar ka sahayog karne ki appeal ki. Baithak mein DM ne bataaya ki sarkaar dvaara tay lakshya poora hone ke baad hi vyaapaari kisaanon se gehoon le sakta hai, jiske liye mandi shulk dena hoga. Avaidh khareedaari karte hue paae jaane par vyaapaari ke khilaaf kaarravaai ki jaaegi. Unhonne kaha ki haapud, gadh pilkhuva aur dhaulaana ke vyaapaari kisi bhi prakaar ki transport khareed na karein, kyonki in sthaanon par police piket lagaai gayi hai. Isse janapad ke baahar aati-jaati gehoon ki trauliyon ko roka ja sakega. Agar kraya kendra kisaan ke gehoon ko reject karta hai to usaki neelaami karaai jaaegi, jise vyaapaari khareed sakte hain. Unhonne kaha ki bichauliyon ke maadhyam se gehoon mandi mein naheen jaaega aur na hi kraya kendron par. Gangavaar ne kaha ki vah vyaapaariyon ka ahit naheen hone deinge, sarkaari lakshya poora hone par vyaapaari kisaan se gehoon ki khareed kar sakte hain.

'Sarkaari Lakshya Poora Hone Par Vyaapaari Khareed Sakeinge Gehoon https://www.angrejinews.com/pic/6897