Sarkaari Daure Ka Kharch Naheen Bataana Chaahate Afsar

Business »

Sarkaari Daure Ka Kharch Naheen Bataana Chaahate Afsar

Aman sharma nai Delhi. . Aisa lagta hai ki paaradarshita ka paalan sarkaar ke bas ki baat naheen hai. 6 maheene pehle sarkaar ne apni sabhi ikaaiyon ke mantriyon aur top afsaron ke ghareloo aur videshi daure ke baare mein jaankaari saarvajanik karne ko kaha tha, lekin kisi bhi mantraalaya ya vibhaag ne dipaartameint of parsanal aind training (deeopeeti) ke nirdesh par amal naheen kiya. Dipaartameint of parsanal aind training ne sabhi mantraalayon ko apni website par har adhikaari ke daure ke baare mein jaankaari dene ka nirdesh diya tha. Ikanaumik times ne jab iski padtaal ki to pata chala ki pradhaanamantri kaaryaalaya (peeemao) hi daure ke baare mein soochana dene ko taiyaar naheen hai. Peeemao ki website mein isse jude adhikaariyon ke kuchh daure ka jikr hai, lekin is baabat kharch ke baare mein naheen bataaya gaya hai. Jaahir hai paaradarshita ke liye aisi jaankaari ka koi matlab naheen banta. Is tarah ke dauron ke liye RTI ke tahat kai tarah ke aavedan kiye gaye hain. Ismein kiye gaye kharch par logon ne behad chinta jataai thi. Aise mein dipaartameint of parsanal aind training ne is baabat nirdesh jaari kar central infaurmeshan commissioner ko yah soochana bheji thi. Jab yah baat saaf ho gayi ki dipaartameint of parsanal aind training ke is nirdesh ki avhelna ho rahi hai, to vibhaag ne peeemao samet sabhi mantraalayon aur vibhaagon ko haal mein fir se is baare mein chitthi likhi hai. Dipaartameint of parsanal aind training ke not mein kaha gaya hai, 'September mein jaari dipaartameint ke aadhikaarik memoreindam ki taraf sabhi vibhaagon aur mantraalayon ka dhyaan ek fir aakarshit kiya jaata hai. Iske tahat jauint sekretari aur usase oopar ke leval ke adhikaariyon ko 1 January 2012 se in mantraalayon aur adhikaariyon ke sabhi videshi aur ghareloo dauron ke baare mein vistaar se jaankaari muhaiya karaane ki salaah di jaati hai. Saath hi, is jaankaari ko 1 July 2012 se har timaahi update karne ki hidaayat bhi di gayi hai. Dipaartameint of parsanal aind training ne yah bhi kaha hai ki uske pehle ke aadesh ka paalan naheen kiya gaya hai. Dipaartameint ke mutaabik, 'Vibhaag ko yah jaankaari mili hai ki kuchh sarkaari vibhaag aur mantraalaya sambandhit soochana naheen muhaiya kara rahe hain ya fir aanshik jaankaari pesh kar rahe hain. Saath hi ise niyamit taur par update bhi naheen kar rahe hain. Lihaaja, ek baar yah salaah jaari ki jaati hai ki sabhi sarkaari sansthaan September 2011 mein jaari dipaartameint ke aadhaarik memoreindam se judi adavaaijari ka sakhti se paalan karein. '

Sarkaari Daure Ka Kharch Naheen Bataana Chaahate Afsar https://www.angrejinews.com/pic/4876