Sarkaari Bangale Khaali Karne Ke Liye 55 Poorv Mantriyon Ko Notice

Breaking »

Sarkaari Bangale Khaali Karne Ke Liye 55 Poorv Mantriyon Ko Notice

Nai Delhi: shahari vikaas mantraalaya ne kareeb 55 poorv keindreeya mantriyon ko 26 June tak apne sarkaari bangalon ko khaali karne ke liye notice jaari kiye, taaki nae mantri unamein rahane ke liye aa sakein. sootron ne bataaya ki sanpada nideshaalaya ne in poorv mantriyon ko 26 June tak bangalon ko khaali karne ke liye notice jaari kiye hain. UPA sarkaar mein 70 mantri the, jinmein se kuchh chunaav jeet gaye hain, lekin kai Loksabha chunaav haar gaye hain. Jo chunaav haar gaye hain, unase 26 June tak bangalon ko khaali karne ko kaha jaaega. nai Delhi ke mahatvapoorn ilaakon mein sthit in bangalon ke baare mein ek sootr ne bataaya, yahaan kareeb 55 type 6, type 7 aur type 8 ke bangale hain, jinhein navaniyukt mantriyon ke liye khaali karavaana hoga. Sanpada nideshaalaya ne navanirvaachit saansadon ko raajya bhavanon aur sarkaari ashok hotel mein asthaayi aavaas muhaiya karaae hain. Loksabha ki aavaas samiti ka gathan hone ke baad samiti saansadon ko bangalon ka aavantan shuroo karegi. Shahari vikaas mantri M Venkaiya Naidu ne guruvaar ko poorv mantriyon se apne aap sarkaari aavaason ko khaali karne aur ek achha udaaharan pesh karne ki appeal ki.

Sarkaari Bangale Khaali Karne Ke Liye 55 Poorv Mantriyon Ko Notice https://www.angrejinews.com/pic/52304