Sarkaar Poore Samay Chalaana Chaahati Hai Sansad

India »

Sarkaar Poore Samay Chalaana Chaahati Hai Sansad

vishesh samvaadadaata. Nai Delhi sansad mein lagaataar jaari gatirodh ke beech sarkaar ne shukravaar ko saaf kar diya ki usaka iraada sansad ke anishchitkaaleen sthagan ka katai naheen hai. Sansadeeya kaaryamantri kamal naath ne media se kaha ki sarkaar ka maujooda satr ko samay se pehle khatm karne ka koi iraada naheen hai. Sarkaar ki poori koshish hogi ki satr ke bache hue dinon mein food security bill va bhoomi adhigrahan jaise mahatvapoorn va jan kalyaan ke bilon ko pesh kar unhein paarit karaaya jaae. Unhonne pramukh vipaksh dali BJP par sansad mein lagaataar gatirodh paida karne ke liye nishaana bhi saadha. Saath hi mahatvapoorn muddon par sadan mein charcha karne ki bajaay media aur sadan ke baahar charcha karne ke liye bhi unhonne vipaksh ko aade haathon bhi liya. Kamal naath ka kehna tha ki sadan ko chalaane ke silsile mein unki sabhi dalon se baatcheet ho rahi hai, sivaaya ek party ko chhodkar koi bhi sadan ko baadhit karne ke paksh mein naheen hai. Ullekhaneeya hai ki NDA ke ghatak dalon sahit kai raajanaitik dalon se sadan ko baadhit karne ke liye BJP ki aalochna bhi ki hai. Raajanaitik dalon ka yah rukh saamane aane ke baad sarkaar apne rukh par aur sakht ho gayi hai. Sootron ke mutaabik, Congress naheen chaahati ki samay se pehle sadan ko khatm karne ka theekara uske sir foote. Gaurtalab hai ki JPC va kolaget maamale mein CBI se jude vivaad ke saamane aane ke baad lagaataar hone vaale sansad ke gatirodh ke chalte sansad ke galiyaaron mein anishchit kaaleen sthagan ki charcha kaafi dinon se hai. Vipaksh lagaataar aarop laga raha hai ki in mahatvapoorn vivaadon se bachane ke liye sarkaar satr mein gatirodh jaari rakhana chaahati hai.

Sarkaar Poore Samay Chalaana Chaahati Hai Sansad https://www.angrejinews.com/pic/7612