Sarkaar Ne Niji Upayog Ke Vidyut Sanyantr Ke Liye Harit Anumati Niyam Saral Banaaye

Business »

Sarkaar Ne Niji Upayog Ke Vidyut Sanyantr Ke Liye Harit Anumati Niyam Saral Banaaye

Nayi Delhi, 17 February (bhaasha) kendra sarkaar ne ispaat, cement aur dhaatu udyogon ko unke niji istemaal ke maujooda vidyut sanyantron ke vistaar athva naya vidyut sanyantr lagaane ke liye paryaavaran ke maamale mein pehle se anumati lene se chhoot de di hai. Yeh chhoot bina kisi sahaayak indhan ke apashisht ooshma ke istemaal waali bhattiyon ke sanyantron ko di gayi hai. kendra sarkaar ke aadesh mein kaha gaya hai ki yeh chhoot un udyogon ko di gayi hai jo ki ooshma ke pun: Istemaal ki kshamata rakhate hai aur oorja sanrakshan ko badhaava dete hain. Saath hi greenahaaus gas utsarjan ko kam karte hain. yeh chhoot ab tak un taap vidyut sanyantron ko di jaati rahi hai jo ki bina kisi sahaayak indhan ke apashisht ooshma waali dhamanabhatti ka istemaal karte hain. Ab is riyaayat ka kuchh udyogon ke niji istemaal vaale sanyantron mein bhi vistaar kiya gaya hai. sarkaari aadesh mein kaha gaya hai ki maujooda cement, ekeekrut ispaat sanyantron, dhaatvik udyogon mein lage bina kisi sahaayak indhan ke apashisht taap bhatti ke niji istemaal vaale vidyut sanyantron ke vistaar athva naya sanyantr lagaane ke liye pehle se paryaavaran manjoori lene ki jaroorat naheen hogi. aadesh mein kaha gaya hai ki kendreeya paryaavaran mantraalaya ne niyamon ko sanshodhit kiya hai aur naye aadesh jaari kiye hain. Udyogon se is sambandh mein kai gyaapan milne ke baad niyamon mein sanshodhan kiya gaya hai.

Sarkaar Ne Niji Upayog Ke Vidyut Sanyantr Ke Liye Harit Anumati Niyam Saral Banaaye https://www.angrejinews.com/pic/255451