Sarkaar Mujhe Jail Bhijva Sakti Hai Mulaayam Singh

Breaking » Wednesday, April 3, 2013

Nai Delhi. . UPA sarkaar ko baahar se samarthan day rahi samaajavaadi party supreemo mulaayam Singh Yadav ne ek baar fir Congress par nishaana saadha hai. Mulaayam ne Budhvaar ko andesha jaahir kiya ki kendra sarkaar unhein CBI ke jariye jail bhijva sakti hai. Gaurtalab hai ki Congress ke khilaaf mulaayam ke naram-garam tevar nae naheen hain. Pichhle dinon holi ke dauraan mulaayam ne Congress ko 'Dhokhebaajon' ki party karaar diya tha. Haalaanki baad mein unhonne naram padte hue UPA sarkaar se samarthan vaapas na lene ki baat kahi thi. Patrakaaron se baatcheet mein mulaayam ne kaha ki sarkaar ke hajaaron haath hote hain. Vah CBI ka durupayog karte hue unhein jail bhijva sakti hai. BJP neta Lal Krishna Advani ke samaajavaadi neta raamamanohar lohiya ki taareef karne par mulaayam ne kaha ki agar koi achhe neta ki taareef karta hai, to yah galat naheen hai. Unhonne Advani ki taareef karne ke baad hue vivaad par bhi safaai di. Mulaayam ne kaha ki har party mein achhe neta hain aur unki taareef karna galat naheen hai. Mulaayam ne janasangh ke sansthaapak shyaama prasaad mukharji ko bhi achhe netaaon mein bataaya. Udhar, mulaayam Singh ke khilaaf morcha khole keindreeya mantri beneeprasaad varma Budhvaar ko seejafaayar ke mood mein dikhe. Patrakaaron ne jab unase mulaayam Singh ke baare mein savaal poochhana chaaha to unka javaab tha, 'Udhar se seejafaayar hai to idhar se bhi seejafaayar hai. '