Sarkaar Mein Mere Rol Ke Baare Mein Modi, Rajnath Se Koi Charcha Naheen Hui Arun Shauri

Breaking »

Sarkaar Mein Mere Rol Ke Baare Mein Modi, Rajnath Se Koi Charcha Naheen Hui  Arun Shauri

Nai Delhi: raajaneetik galiyaaron mein atkalein hain ki bhaavi pradhaanamantri Narendra Modi ki cabinet mein arun shauri ko vitt mantraalaya ya kisi aur bade mahakame ka jimma saunpa ja sakta hai, haalaanki unhonne kaha hai ki na to Modi aur na hi Rajnath ne unase is baare mein koi charcha ki hai. NDTV ki group editor barakha datt se khaas baatcheet mein unhonne kaha ki kisko kya jimmedaari milegi, yeh Modi tay kareinge. Shauri ne kaha ki Modi apni soch ko kisi ke saamane jaahir naheen hone dete aur hamesha unke faisalon mein kuchh na kuchh aashcharyajanak hota hi hai. shauri ne kaha ki meri bhoomika ke baare mein media mein hi charcha hai. Mere rol ke baare mein mujhse abhi tak koi baatcheet naheen hui. arun ne bataaya ki main bata chuka hoon ki ye khabarein kahaan se utheen. Mujhe Rajnath ji ne milne ke liye bulaaya tha. Jab main milkar baahar aaya to mujhe ek patrakaar ka phone aaya. Usane poochha ki kya aapko koi mantraalaya diya ja raha hai. Mainne kaha, naheen, aisa kuchh naheen hai aur koi naheen jaanta ki kaun mantri ban raha hai, lekin us channel ne chala diya ki mujhe vitt mantraalaya mil sakta hai.

Sarkaar Mein Mere Rol Ke Baare Mein Modi, Rajnath Se Koi Charcha Naheen Hui Arun Shauri https://www.angrejinews.com/pic/51194