Sarkaar Ko Laabhaansh Ke 28 Hajaar Karod Ru Dega RBI, Surplus Cash Dene Par Sanshaya

Breaking »

Sarkaar Ko Laabhaansh Ke 28 Hajaar Karod Ru Dega RBI, Surplus Cash Dene Par Sanshaya

Mumbai Reserve bank of India (RBI) apne paas padi atirikt rakam mein sarkaar ko turant hissedaari naheen dega. Haalaanki, central bank ki audit committee ne chaaloo vitt varsh ke seemit aakalan ke aadhaar par sarkaar ko 28 hajaar karod rupaye ka antarim laabhaansh dena tay kar diya hai. Iski ghoshana 18 February ko hone waali board meeting mein kar di jaaegi. Kendra sarkaar RBI ke paas varshon se jama ho rahe atirikt dhan ke ek hisse ki maang kar rahi hai. Kendra is hisse ko 'Ekses rijrvs' yaani jaroorat se jyaada bhandaar kehta hai. Reserve bank ke paas kitna reserve ho yaani usaka kaipitl fremavark kya ho, is par vichaar ke liye poorv RBI Governor viml jaalaan ki adhyakshata mein ek committee banaai gayi hai. 31 March tak is committee ki report aane ki ummeed hai. Sarkaar ki daleel hai ki RBI ke paas anya deshon ke central bankon ke mukaabale jyaada reserve hai. Antarim bajat ke baad aarthik maamalon ke sachiv subhaash chandra garg ne kaha tha ki sarkaar RBI se 28 hajaar karod Ru. Ke laabhaansh ki ummeed karti hai. Yeh rakam pichhle varsh RBI dvaara diye gaye 40 hajor karod Ru. Ke alaava hai. RBI ko lagta hai ki biml jaalaan committee ki sifaarish ke bina hi sarkaar ko 40 hajaar karod Ru. Dena uchit naheen tha. 5 February ko Congress saansad shailaja kumaari ke savaal ke javaab mein vitt raajya mantri pi. Radhakrishnan ne bataaya tha ki sarkaar ne RBI se chaaloo vitt varsh ka atirikt bhandaar saunpane ka aagrah kiya hai. Unhonne kaha tha ki sarkaar ne RBI aikt ke sekshan 7 ke tahat aagrah naheen kiya tha. Yeh sekshan sarkaar ko RBI ko nirdesh dene ka adhikaar deta hai. Vitt raajya mantri ne kaha tha ki RBI ke paas 206-17 aur 2017-18 ke kramash: 13,190 karod Ru. Aur 14,190 karod Ru. Yaani kul 27,380 karod Ru. Pade hain. Haaliya maudrik neeti sameeksha ke ailaan ke baad RBI Governor shashikaant das ne kaha tha, 'Sarkaar aur RBI ke beech kai muddon par baatcheet chal rahi hai aur bahas-mubaahison ke baad ek faisala liya gaya hai. RBI ka koi bhi faisala siddhaaton aur akaaunting ke niyamon par aadhaarit hoga. ' daraasal, unase poochha gaya tha ki kya sarkaar RBI se fund transfer karne ko kah rahi hai?

Sarkaar Ko Laabhaansh Ke 28 Hajaar Karod Ru Dega RBI, Surplus Cash Dene Par Sanshaya https://www.angrejinews.com/pic/254004