Sarkaar Ko Gas Eksaploreshan Ko Aasaan Banaane Par Rakhana Hoga Focus

Business »

Sarkaar Ko Gas Eksaploreshan Ko Aasaan Banaane Par Rakhana Hoga Focus

Himaangshu vats, nai Delhi Narendra Modi sarkaar ke petrolium ministar ko gahari mushkilon se paar paane ka hunar rakhana hoga. Laakhon karod ghan fut naicharal gas gahre samudra mein maujood hai, jiske ek chhote hisse tak abhi pahunch ban saki hai. Bade hisse ko nikaalkar faiktariyon aur gharon tak pahunchaane ka kaam baaki hai. Vah bhi, vaajib keemat par. UPA shaasan mein deep-si Fields se jitni gas nikli, usase kaheen jyaada siyaasi garmi unhein ghere rahi. America ki kansalteinsi farm aaiechaes-Cambridge enarji research asosiyets ki or se saal 2013 mein ki gayi ek stadi ke anusaar, kareeb 64 lakh karod ghan fut naicharal gas ki diskavari honi hai. Saal 1950 se ab tak 69 lakh karod ghan fut gas ke bhandaar khoje gaye hain. Aaiechaes-seeiaarae ke anusaar, ab tak khoje gaye lagbhag 27 lakh karod ghan fut gas bhandaar ko divelap naheen kiya ja saka hai, lekin ismein pech yeh hai ki kuchh diskavareej ke liye kam se kam 8 dollar prati unit aur behad gahre samudri ilaakon mein maujood diskavareej ko divelap karne ke liye 10-12 dollar ki keemat chaahiye. Price jitna jyaada hoga, eksaploreshan mein companiyon ko faayda bhi utana hi dikhega. Aaiechaes-seeiaarae ko ummeed hai ki 24 lakh karod ghan fut ki diskavareej 8 dollar aur 55 lakh karod ghan fut ki diskavareej 12 dollar ke price par hongi . Jin gas bhandaaron ko divelap naheen kiya ja saka hai, unamein Bhaarat ki do top eksaploreshan farmon- ONGC aur RIL ki or se khoje gaye ilaake bhi shaamil hain. ONGC gahre samudra vaale apne ilaakon se praudakshan shuroo naheen kar saki hai, jabki RIL ne KG-dee6 blauk se utpaadan shuroo kar diya hai. Oil industry ke egjikyootivs aam aadmi party ke Arvind Kejriwal jaise logon ki or se Bangladesh mein onashor field mein ki gayi diskavareej se iski tulana par naaraaj hote hain. RIL ki paartanar niko Bangladesh mein 2.3 dollar prati unit ki dar se gas bech rahi hai. Aisi chunauteepoorn sthitiyon mein risk kaipitl lagaane ke liye beepi peeelasi, iski paartanar RIL, ONGC aur keyarn India jaisi eksaploreshan companiyaan reguletari morche par spashtata aur vaajib return ki maang karti rahi hain. Enaalists is baat par lagbhag ek rai hain ki nai sarkaar gas praaisej badhaaegi. Nomura ne ek report mein kaha hai ki hamein ummeed hai ki nai sarkaar gas price ke mudde (KG-dee6) par teji se faisala karegi. Nomura ka maanana hai ki notifaai ho chuke rangaraajan faurmoola ko laagoo aasaan raasta hoga. Yoobeees ne bhi isi tarah kaha hai ki use nai sarkaar se gas ke oonche daam June tak notifaai kiye jaane ki ummeed hai. Modi ke kareebi maane jaane vaale faurmar ministar suresh prabhu ka kehna hai ki desh ke 48% besins ko eksaplor naheen kiya gaya hai. Unhonne kaha ki hamein saarvajanik aur sarkaari, donon kshetron se is sector mein inavestameint laane ki jaroorat hai.

Sarkaar Ko Gas Eksaploreshan Ko Aasaan Banaane Par Rakhana Hoga Focus https://www.angrejinews.com/pic/51483