Sarkaar Ka BSNL Karmachaari Sangathanon Ki Maang Par Sakaaraatmak Kadam Uthaane Ka Aashvaasan

Business »

Sarkaar Ka BSNL Karmachaari Sangathanon Ki Maang Par Sakaaraatmak Kadam Uthaane Ka Aashvaasan

Nayi Delhi, 17 February (bhaasha) sarkaar ne ravivaar ko kaha ki doorasanchaar kshetr ke saarvajanik upakram Bhaarat sanchaar nigam limited (BSNL) ke maamale mein usaki karmachaari union aur sanghon dvaara uthaaye gaye muddon par ''Sakaaraatmak kadam'' uthaaye ja rahe hain. Sarkaar ne kaha ki BSNL ko 4ji spectrum aavantan ka mudda vichaar ke liye doorasanchaar kshetr ke niyaamak ko bheja ja raha hai. sanchaar mantraalaya ne ek bayaan mein kaha hai ki iske saath hi BSNL ke punarutthaan ke liye ek vistrut prastaav taiyaar kiya ja raha hai. Is prastaav par saksham praadhikran jald hi vichaar karega. Bhaarat sanchaar nigam limited ki akhil bhaarateeya unionon aur sanghon ne apni maangon ko lekar somvaar se teen din ki hadtaal ka aahvaan kiya hai. Unki maangon mein saarvajanik kshetr ki is company ko 4ji spectrum aavantan karna aur karmachaariyon ke vetanamaanon mein sanshodhan shaamil hai. sarkaari vaktavya mein kaha gaya hai ki sarkaar ek baar fir is baat par jor dena chaahati hai ki vah BSNL ke prabandhan aur union pratinidhiyon ke saath lagaataar sampark mein rahegi aur unki tarkasangat maangon ka samarthan karegi tatha sangathan ko punarutthaan ki disha mein aage badhne mein madad karegi. ismein kaha gaya hai ki BSNL ko ek majaboot aur vitteeya roop se vahaneeya sanstha ke taur par khada karne ke liye har sambhav prayaas kiye ja rahe hain. Doorasanchaar vibhaag ne kaha hai ki company ke karmachaari sanghon ne jo maange uthaai hain unke baare mein sakaaraatmak kadam uthaaye ja rahe hain.

Sarkaar Ka BSNL Karmachaari Sangathanon Ki Maang Par Sakaaraatmak Kadam Uthaane Ka Aashvaasan https://www.angrejinews.com/pic/255453