Sarkaar Jald Laaegi Nai Helth Paulisi

Business »

Sarkaar Jald Laaegi Nai Helth Paulisi

nai Delhi sarkaar jald se jald nai helth paulisi taiyaar karne mein jut gayi hai. Is maksad se helth ministar Dr. Harshavardhan apne mantraalaya ke afsaron se kai daur ki marathon meeting kar chuke hain. Sarkaar kareeb ek dashak baad nai helth paulisi laane ja rahi hai. Ummeed ki ja rahi hai ki nai paulisi ke amal mein aane se aam aadmi ko helth ke morche par badi raahat mil sakti hai. Helth paulisi taiyaar hone par harshavardhan is par pradhaanamantri Narendra Modi se charcha kareinge. BJP ke chunaav ghoshanaapatr mein helth sector ko kaafi tarajeeh di gayi hai. Is maksad ko poora karne ke liye ek nai aur thos helth paulisi jaroori ho gayi hai. Sootron ka kehna hai ki nai helth paulisi mein primary aur poore sarkaari helth keyar system ko majaboot banaane par khaas dhyaan diya jaaega. Iske saath hi graameen ilaakon mein doctoron ki kami door karna aur vahaan stareeya svaasthya sevaaen muhaiya karaana bhi iska maksad hoga. Lageinge teekaakaran program sootr bataate hain ki sarkaar kuposhan, shishu mrutyu dar aur prasav ke samay mahilaaon ki maut ke maamalon ko kam se kam karna chaahati hai. Iske saath hi daayariya, nimoniya, meejals ke kaaran bachchon ki maut bhi uske liye ek chunauti hai. In rogon ke kaaran Bhaarat mein poori duniya ke mukaabale sabse jyaada bachchon ki maut hoti hai. Nai helth paulisi mein vaikseeneshan kaaryakramon ko majabooti ke saath chalaane ke liye bhi intajaam kiye jaaenge. Teebi ke safaae ki rananeeti taiyaar ki jaaegi aur bujurgon ke svaasthya ki dekhbhaal ke liye thos intajaam jaaenge. Muft hongi jenarik davaaen sootr bataate hain ki asankraamak rogon se nipatne ke liye bhi nai helth paulisi mein thos prayaas karne aur is baabat prachaar abhiyaan chalaane ki yojana hai. Bhaarat haal ke dashakon mein dil ke rogon, Cancer aur daayabiteej ke maamale mein duniya ke kai deshon ko peechhe chhod chuka hai. Iske saath hi gareebon ko kifaayati daron par davaaiyaan muhaiya karaana bhi ek badi chunauti hai. Ministri chaahati hai ki sarkaari aspataalon mein logon ko jenarik davaaen muft mein dene ke liye majaboot system ka vikaas kiya jaae. Iske saath hi svaasthya ke liye bajat badhaane ki bahut badi chunauti bhi uske saamane hai. Aisa hone par hi nai helth paulisi ko majabooti ke saath laagoo kiya ja sakega. Svaasthya bajat kam hone ke kaaran Bhaarat ki janta kaafi had tak niji aspataalon par nirbhar ho gayi hai.

Sarkaar Jald Laaegi Nai Helth Paulisi https://www.angrejinews.com/pic/52685