Sarkaar Chaahati Hai, SEBI Indigo Ke Androoni Maamalon Ki Gaharaai Mein Jaae, Sabhi Niedashakon Ki Padtaal Ho

Business »

Sarkaar Chaahati Hai, SEBI Indigo Ke Androoni Maamalon Ki Gaharaai Mein Jaae, Sabhi Niedashakon Ki Padtaal Ho

Nai Delhi, 11 July (bhaasha) sarkaar chaahati hai ki niyaamak SEBI indigo airline ki company intaraglob eviyeshan ke sabhi nideshakon aur company ke donon mukhya pravartakon ke saath judi har ikaai ki jaanch kare tatha gadbadi paae jaane par unke khilaaf sakht kaarravaai kare. niji kshetr ki indigo is samay desh ki sabse badi vimaanan seva company hai. sarkaari adhikaariyon ke anusaar indigo ke sambandh mein jo baate saamane aa rahi hain unamein company sanchaalan svasth vyavastha , nishpaksh vyavasaaya ke niyamon aur bhediya kaarobaar rodhi niyamon ka ullanghan lag raha hai. Adhikaari chaahate hain ki company ke sabhi nideshakon aur aapasi matabhed mein fanse donon mukhya pravartakon se judi sabhi ikaaiyon ki jaanch ho. Ullekhaneeya hai ki intaraglob eviyeshan li. (aaijeeeel) desh ki sabse badi airline indigo ki mool company hai. Company ke sah pravartakon Rakesh gangavaal tatha Rahul Bhatia ke beech vivaad chhida hua hai. Is vivaad ka asar company ke share moolya par bhi pada hai. company sanchaalan ke mudde par intaraglob eviyeshan mein pravartakon ke beech vivaad gaharaane ke ek din baad Rahul Bhatia samooh ne Budhvaar ko kaha tha ki sabhi sambaddh pakshon ke saath lenaden unase uchit doori rakhate huye baajaar moolya ke mutaabik hi kiye gaye. gangavaal aur unase sambaddh logon ki aaijeeeel mein kareeb 37 pratishat hissedaari hai. Gangavaal ne company mein kaamkaaj ke sanchaalan (gavarneins) ka mudda uthaaya hai. Vishesharoop se unhonne company aur aaijeei samooh ke beech lenaden ko lekar savaal khada kiya hai. Bhatia samooh ki aaijeeeel mein kareeb 38 pratishat hissedaari hai.

Sarkaar Chaahati Hai, SEBI Indigo Ke Androoni Maamalon Ki Gaharaai Mein Jaae, Sabhi Niedashakon Ki Padtaal Ho https://www.angrejinews.com/pic/286178