'Sarkaar Bachaane Ko Bihar Package Ka Istemaal

India »

'Sarkaar Bachaane Ko Bihar Package Ka Istemaal

vishesh samvaadadaata. Nai Delhi BJP ko andesha hai ki Bihar ko vishesh darja dene ke bahaane vah apni alpamat sarkaar ke liye bahumat jutaane ke liye istemaal kar sakti hai. Party ne sarkaar ko chetaavani di hai ki vah is tarah ka khatarnaak khel na khele. Party ne yah bhi kaha hai ki package dene ke naam par vah Bihar ko backward state kehkar vahaan rahane vaale logon ka apamaan na kare. Bihar pichhda naheen, balki 'Vanchit' pradesh hai aur iseeliye use vishesh raajya ka darja milna chaahiye. BJP ko lag raha hai ki Bihar ko vishesh raajya ka darja dene ke naam par Congress ki aguvaai waali UPA sarkaar kuchh 'Khel' kar sakti hai. BJP neta Rajiv prataap roodi ka kehna hai ki raajya ko vishesh darja dene ke liye kendra sarkaar ne jis vakt ka chunaav kiya hai, vah sandeh paida karne vaala hai. Unka kehna hai ki aisa to naheen hai ki UPA sarkaar kaheen alpamat mein aane ke baad apni sarkaar bachaane ke liye is package ko hi to apna hathiyaar naheen banaana chaahati? BJP ka kehna hai ki Bihar ko vanchit raajya ke darje se baahar aane ke liye use vishesh raajya ke darje ki jaroorat hai. Iske liye BJP aur JDU pehle hi maang karte rahe hain aur ham kehte rahe hain ki raajya ko 68 hajaar karod rupaye ka package milna chaahiye. Lekin saath hi BJP yah bhi kehna chaahati hai ki Congress apni sarkaar bachaane ke liye is koshish ka raajaneetik upayog na kare. Jab roodi se poochha gaya ki kaheen BJP ko yah shak to naheen hai ki package ki vajah se JDU usaka saath chhod day? Is savaal ko taalate hue BJP neta ne kaha ki yah savaal is vakt praasangik naheen hai. Unhonne kaha ki kendra sarkaar takareeban poori tarah se dharaashaayi hone ki haalat mein hai aur ab jyaada din naheen chal paaegi. (inaset) Bihar package par na karein siyaasat : Congress PTI. Nai Delhi : UPA ki or se NDA ke ek sahayogi ko apne paale mein karne ki atkalon ko Congress ne khaarij kar diya hai. Party ki or se kaha gaya hai Bihar package ko raajaneetik aaine mein naheen dekha jaana chaahiye. Congress pravakta Rashid alavi ne media se baat karte hue kaha ki mudde par siyaasat naheen honi chaahiye. Congress pravakta ne yah pratikriya BJP pravakta Rajiv prataap roodi ke us bayaan par di hai jismein kaha gaya tha ki shaayad kendra sarkaar Bihar card khel rahi hai

'Sarkaar Bachaane Ko Bihar Package Ka Istemaal https://www.angrejinews.com/pic/3592