Sarabajeet Ki Maut Mein Virodh Pradarshan, Putale Foonke

Breaking »

Sarabajeet Ki Maut Mein Virodh Pradarshan, Putale Foonke

prem Dave sharma Meerut. . Shahar mein sarabajeet ki Pakistan ki jinna jail mein bandiyon ke hamle ke shikaar ke baad hui maut ke virodh mein jordaar virodh aur pradarshan huaa. Vakeel, chhaatr, saamaajik sangathan va raajaneetik dalon ke kaaryakarta sadkon par utar aae. Unhone Pakistan ko is prakaran ka doshi karaar dete hue apne gusse ka ijahaar kiya. Sabhi sarabajeet ki maut ke doshiyon ko saja dilaane va Pakistan se iska jabaav maangane ki baat kar rahe the. Vaheen॒ BJP ne is mauke par kendra sarkaar par bhi nishaana saadha. Usane sarabajeet ki maut ke liye kendra sarkaar ko doshi thaharaaya. Shahar ke haalaat ko dekhte hue sabhi samvedansheel ilaakon kee॒ suraksha vyavastha kadi kar di gayi hai. Adhikaari poori sthiti par paini najar rakh rahe hain. BJP ne kamishnari par pradarshan karte hue Pakistan ke raashtrapati Asif Ali Zardari ke putale ki arthi nikaali aur Asif Ali Zardari aur Pakistan ka putala foonka. BJP ne sarabajeet ki maut ke liye kendra sarkaar ko jimmedaar bataaya. BJP ne raashtrapati ke naam saunpe gyaapan mein Congress sarkaar ko barkhaast karne ki maang ki. Kachahari mein vakeelon ne Pakistan kaa॒ putala foonkate hue sarabajeet ki maut ko Bhaarat sarkaar ke liye sharmanaak bataaya. Vakeelon ne sarabajeet ko shrruddhaanjali dete hue unke hatyaaron ko kadi saja diye jaane ki maang ki. Bachcha park par koshish saamaajik sangathan ke kaaryakartaaon ne Pakistani raashtrapati ka putala foonkate hue sarabajeet ki maut par rosh prakat kiya. Unhonne sarabajeet ki maut ko sabhi bhaarateeyon ki haar bataate hue Pakistani sarkaar se iska javaab liye jaane ki maang ki. Budhaana gate par bhi BJP ne Pakistan ka putala foonka aur kendra sarkaar aur UPA adhyaksh soniya Gandhi aur pradhaanamantri Manmohan Singh ko aade haath liya.

Sarabajeet Ki Maut Mein Virodh Pradarshan, Putale Foonke https://www.angrejinews.com/pic/7446