Sapa Ki Haar Se Kai Mantriyon Par Gir Sakti Hai Gaaj

Breaking »

Sapa Ki Haar Se Kai Mantriyon Par Gir Sakti Hai Gaaj

File photo File photo Lucknow: Loksabha chunaav mein samaajavaadi party (sapa) ke niraashaajanak pradarshan ke baad party sangathan ke padaadhikaariyon aur sapa sarkaar ke mantriyon par gaaj gir sakti hai. sapa ki karaari haar se party pramukh mulaayam Singh Yadav behad naaraaj hain. Sootron ke mutaabik shanivaar shaam ko Delhi laute mulaayam ravivaar der shaam mukhyamantri evam pradesh adhyaksh Akhilesh Yadav aur party ke kuchh varishth netaaon se apne aavaas par mil sakte hain. sapa sootron ke mutaabik agale ek-do din mein sarkaar aur sangathan mein bada ferabadal dekhne ko mil sakta hai. Kaha ja raha hai ki sapa pramukh sabse jyaada naaraaj darja praapt mantriyon se hain. Kai darja praapt mantriyon ke khilaaf shikaayat hai ki party ne chunaav mein unhein jo jimmedaari di, unhonne unka imaandaari se nirvaahan naheen kiya. Raajya mein darja praapt raajyamantriyon ki sankhya kareeb 90 hai. aisi bhi atkalein hain ki Akhilesh sarkaar ke kai cabinet aur raajya mantriyon par bhi haar ki gaaj gir sakti hai. Saath hi party sangathan ke kuchh padaadhikaari hataae ja sakte hain. Loksabha chunaav mein sapa mukhiya (do seaton) aur unke parivaar ke teen sadasyon ko chhodkar sapa ka koi anya ummeedavaar chunaav naheen jeet saka.

Sapa Ki Haar Se Kai Mantriyon Par Gir Sakti Hai Gaaj https://www.angrejinews.com/pic/50907