Sanyukt Rallyan Kar BJP Ke Mumkin Ko Naamumkin Banaane Ki Jugat Karega SP-BSP-aaraeladi Gathabandhan

Breaking »

Sanyukt Rallyan Kar BJP Ke Mumkin Ko Naamumkin Banaane Ki Jugat Karega SP-BSP-aaraeladi Gathabandhan

Lucknow Uttar pradesh mein mahaagathabandhan sahayogi samaajavaadi party, bahujan samaaj party aur raashtreeya lok dal ke sheersh neta April ke pehle saptaah se taabadtod sanyukt rallyan kar apne-apne kaaryakartaaon ko BJP ke khilaaf ekajutata ka sandesh deinge. Samaajavaadi party ke raashtreeya sachiv evam pravakta Rajendra chaudhari ne shukravaar ko bataaya ki aasann Loksabha chunaav mein SP-BSP-aaraeladi gathabandhan ne apne pratyaashiyon ki jeet aur kendra ki satta se BJP ki bedakhali sunishchit karne ke liye sanyukt rallyan karne ka faisala liya hai. Unhonne kaha ki sanyukt railiyon se yeh sandesh jaaega ki gathabandhan mein shaamil dalon ke kaaryakarta ekajut hain aur ve BJP ke 'Mumkin' ko apne prayaason se 'Naamumkin' mein badalne ko taiyaar hain. Chaudhari ne bataaya ki samaajavaadi party adhyaksh Akhilesh Yadav, bahujan samaaj party mukhiya maayaavati aur aaraeladi pramukh chaudhari ajit Singh ki sanyukt railiyon ka silsila navaraatr ke shubh dinon mein 7 April se shuroo hokar 16 May tak chalega. Is dauraan teenon dalon ke sheersh neta 11 rallyan kareinge. Prachaar saamagri tatha jhande mein in dalon ke netaaon ke chitr tatha chunaav chinh sanyukt roop se pradarshit kiye jaaenge. Unhonne bataaya ki pehli rally 7 April ko devaband mein hogi. Is sanyukt rally mein sahaaranapur, kairaana, bijnaur aur mujaffaranagar sansadeeya kshetr ke kaaryakarta shaamil honge. Jabki 13 April ki rally badaayoon Loksabha kshetr mein hogi. Chaudhari ne bataaya ki 16 April Agra mein hone waali rally mein Agra, fatehapur seekari tatha Mathura Loksabha kshetron ke teenon dalon ke kaaryakarta hissa leinge. Teesari sanyukt rally 19 April ko mainapuri sansadeeya kshetr mein hogi. Gaurtalab hai ki mainapuri se SP ne party sanrakshak mulaayam Singh Yadav ko ticket diya hai. Charcha hai ki is rally mein mulaayam bhi shaamil ho sakte hain. Haalaanki iski aadhikaarik pushti naheen hui hai. Esapeea pravakta ne bataaya ki 20 April ko Rampur mein aayojit sanyukt rally mein muraadaabaad, Rampur aur sanbhal Loksabha kshetron ke kaaryakarta hissa leinge. Isi din ek rally firojaabaad mein bhi hogi. Unhonne bataaya ki kannauj sansadeeya kshetr mein gathabandhan ki sanyukt rally 25 April ko hogi jabki ek May ko faijaabaad mein hone waali sanyukt rally mein baaraabanki, faijaabaad tatha baharaaich Loksabha kshetr ke kaaryakarta shaamil honge. Iske alaava aath May ko aajamagadh mein hone waali rally mein aajamagadh aur laalaganj Loksabha kshetr ke kaaryakarta hissa leinge. Chaudhari ne kaha ki 13 May ko Gorakhpur, mahaaraajaganj aur kusheenagar Loksabha seaton ke liye sanyukt roop se ek rally Gorakhpur mein hogi. Gathabandhan ki antim rally 16 May ko Varanasi mein hogi. Yeh rally sanyukt roop se Varanasi, chandauli, mirjaapur aur raabartsaganj Loksabha seaton ke liye hogi. Unhonne kaha ki SP-BSP-aaraeladi ke kaaryakarta, padaadhikaari tatha vidhaayak, saansad sabhi paraspar samanvaya ke saath chunaav prachaar mein jut gaye hain. Sabhi ka ek hi lakshya hai 'Lokatantr aur samvidhaan ki raksha ke liye BJP ko Delhi ki gaddi tak pahunchane se rokana. '

Sanyukt Rallyan Kar BJP Ke Mumkin Ko Naamumkin Banaane Ki Jugat Karega SP-BSP-aaraeladi Gathabandhan https://www.angrejinews.com/pic/261474