Sanyukt Raashtra Ne Badaayoon Mein Do Ladkiyon Ke Gang-rape Aur Hatya Ki Ninda Ki

Breaking »

Sanyukt Raashtra Ne Badaayoon Mein Do Ladkiyon Ke Gang-rape Aur Hatya Ki Ninda Ki

Badaayoon mein do naabaalig ladkiyon ki gang-rape ke baad hatya kar di gayi Badaayoon mein do naabaalig ladkiyon ki gang-rape ke baad hatya kar di gayi Sanyukt raashtra: uttar pradesh ke badaayoon jile mein do chacheri bahanon ke saath saamoohik aur uske baad unki hatya kiye jaane ki jaghanya ghatna ki sanyukt raashtra ne somvaar ko ninda ki hai. Sanyukt raashtra ne ghatna ke jimmedaar logon ke khilaaf tatkaal kaarravaai karne aur poore Bhaarat mein mahilaaon ke khilaaf hinsa se nipatne ki maang ki hai. Bhaarat mein sanyukt raashtra pranaali ki sthaaneeya samanvayak, leese grande ne ek bayaan mein kaha, donon kishoriyon ke parivaaron ko aur nimn jaati ki sabhi mahilaaon aur ladkiyon ko nyaaya milna chaahiye, jinhein Bhaarat ke graameen ilaakon mein nishaana banaaya gaya hai aur unke saath dushkarm kiya gaya hai. Mahilaaon ke khilaaf hinsa sirf mahilaaon ka mudda naheen hai, balki yeh maanavaadhikaar ka ek mudda hai. bayaan mein kaha gaya hai ki Bhaarat mein sanyukt raashtra pranaali yeh sunishchit karaane mein desh ke logon ke saath ekajut hai ki pratyek mahila aur ladki suraksha aur sammaan ke saath jindagi ji sake. Bhaarat mein sanyukt raashtra mahila pratinidhi rebeka taavaares ne kaha, harek mahila aur ladki ko surakshit tareeke se jeene mein saksham hona chaahiye, use surakshit mahasoos hona chaahiye aur hinsaamukt vaataavaran mein unka vikaas hona chaahiye. taavaares ne kaha ki jin kadamon ko uthaae jaane ki jaroorat hai, unamein aparaadh kaanoon (sanshodhan) adhiniyam, 2013 ke tvarit kriyaanvayan ko sanyukt raashtra protsaahit karta hai. taavaares ne kaha, samasya ke samaadhaan ke liye nyaaya pranaali pramukh hai.

Sanyukt Raashtra Ne Badaayoon Mein Do Ladkiyon Ke Gang-rape Aur Hatya Ki Ninda Ki https://www.angrejinews.com/pic/52520