Sanyam Se Khele Rahaane Aur Samson Dravid

Cricket »

Sanyam Se Khele Rahaane Aur Samson Dravid

Jaipur. . Rajasthan Royals ke kaptaan Rahul Dravid ne yahaan Indian Premier league match mein kings eleven Punjab par mili chhah wicket ki jeet ke baad ravivaar ko kaha ki Ajinkya rahaane aur yuva khilaadi sanjoo Samson ne sanyam dikhaate hue achha pradarshan kiya. Dravid ne kaha, 'Match ant mein kaafi tanaavapoorn ho gaya tha, lekin rahaane aur yuva sanjoo Samson ne achha khel dikhaaya. Donon ne kaafi sanyam barata. Hamein antim over se pehle hi jeet darj kar leni chaahiye thi. ' kings eleven Punjab ki team ballebaaji ka nyauta milne ke baad Rajasthan Royals ki disiplind boling se 124 run par simat gayi jiske baad rahaane ne naabaad 34 aur Samson ne naabaad 27 run banaakar team ko chaar geind rahate jeet dilaai. Savaai Mansingh stadium ke wicket ke baare mein Dravid ne kaha, 'Yah cricket ke liye achha wicket tha, saare wicket 180-190 run ke naheen hone chaahiye. Is tarah ke wicket par achha romaanchak cricket hota hai. Main wicket se kaafi khush hoon. ' unhonne kaha, 'Falkner hamaare liye shaanadaar raha, usane group mein kaafi oorja bhar di. Humne jo shurooaat ki, usase khush hoon lekin hamein chunautiyon ke saath hi seekheinge. ' vaheen kings eleven Punjab ke kaptaan aidam Gilchrist ne kaha, 'Ham paari mein doosari baar out hue hain aur yah sveekaarya naheen hai. Yah sheersh kram se mere out hone se shuroo huaa. ' unhonne kaha, 'Iske baad humne teen-chaar over mein Shane Watson ko kaafi run banaane diye lekin ham apne geindabaajon ko doshi naheen thahara sakte kyonki humne unhein bachaav karne ke liye achha score naheen diya. Lekin unhonne ant tak koshish ki. ' main of the match Falkner ne kaha, 'Main yahaan Royals ke saath mauka milne se kaafi aatmavishvaas se bhara tha. Yah wicket Pune ke wicket se kaafi alag tha, is wicket par kuchh teji thi. Shaayad mainne sanyog se hi stump hit kar (manan vohara ko) out kiya ho.

Sanyam Se Khele Rahaane Aur Samson Dravid https://www.angrejinews.com/pic/5625