Santon Ke Saamane Haridvaar Mein Goonja Namo Mantra

India »

Santon Ke Saamane Haridvaar Mein Goonja Namo Mantra

agencyan. Haridvaar Gujarat ke mukhyamantri Narendra Modi ki bhaasha badal badal rahi hai. Vah shukravaar ko santon ki nagari haridvaar mein the. Unhonne jor dekar kaha ki vah sirf hinduon ke neta naheen hain. Unhonne godhara dangon ka jikr to naheen kiya, lekin yah jaroor kaha ki pichhle 12 saal mein Gujarat mein dange naheen hue. Modi yoga guru raamadev ke bulaave par ek kaaryakram mein yahaan pahunche the. Unke bhaashan ka andaaj kisi raashtreeya neta ke bhaashan jaisa tha. Modi ne raamadev ke taareefon ke pul baandhe to Modi bhi yoga guru ki prashansa karne mein naheen chooke. Modi ne kaha ki mainne kabhi sirf hinduon ke sukh ki baat naheen ki. Main to sabhi ka sukh chaahata hoon. Gujarat ki tarakki ka hamesha jikr karne vaale Modi ne pehli baar kaha ki vahaan par tarakki 6 karod gujaraatiyon ki badaulat ho saki. Gujarat mein aae bhayaanak bhookamp ke baad logon ne aashanka jataai thi ki ab Gujarat kabhi naheen khada ho paaega, lekin gujaraatiyon ne use jhuthala diya. Santon ki bheed mein ghire Modi ne kaha ki aaj aap logon ke charanon mein baithane se mujhe kaafi sukoon mila hai. Mahakumbh mein na jaane ki jo peeda thi, vah kuchh kam hui hai. Sarkaar dvaara raamadev ko sataane ki bhi Modi ne kadi ninda ki. Raamadev ne kaha ki ham donon sage bhaai jaise hain, donon ko kendra sarkaar sata rahi hai.

Santon Ke Saamane Haridvaar Mein Goonja Namo Mantra https://www.angrejinews.com/pic/6915