Sansad Satr Mein Teen Talaak Bill Pesh Karegi Modi Sarkaar, Jammu-Kashmir Mein 6 Maheene Badha Raashtrapati Shaasan

Breaking »

Sansad Satr Mein Teen Talaak Bill Pesh Karegi Modi Sarkaar, Jammu-Kashmir Mein 6 Maheene Badha Raashtrapati Shaasan

Nai Delhi Muslim mahilaaon ke hiton ko dhyaan mein rakhate hue Modi sarkaar aagaami sansad satr mein teen talaak bill pesh karne ja rahi hai. Keindreeya soochana evam prasaaran mantri prakaash jaavadekar ne cabinet ke faisale ki jaankaari dete hue bataaya ki puraane adhyaadesh ko hi kuchh sanshodhanon ke saath bill mein kanvart kiya jaaega. Iske saath hi cabinet ne Jammu aur Kashmir mein raashtrapati shaasan 3 July 2019 se agale 6 maheenon ke liye badha diya hai. Teen aham ordineins fir jaari Modi sarkaar ne sansad ke bajat satr se theek pehle nirast ho chuke teen aham ordineins ko dobaara jaari kiya. Daraasal, aam chunaav se theek pehle jitne bhi ordineins sarkaar ne jaari kiye the, ve nai Loksabha ke gathan ke baad svaabhaavik roop se nirast ho jaate hain. Ab in ordineins ko jaari kar sansad ke bajat satr mein teenon bilon ko paas karaane ki koshish hogi. Gaurtalab hai ki kul 10 aise aardineins hain, jo nai Loksabha gathan ke baad nirast hue the. 3 talaak par chauthi baar ordineins Ek baar mein teen talaak se jude chauthe ordineins ko Budhvaar ko PM Narendra Modi ki adhyakshata mein hui cabinet ki baithak mein manjoori di gayi. Ismein vipaksh ki kuchh maangon ko bhi shaamil kiya gaya hai. Pichhle satr mein jab sarkaar ne antim din Rajyasabha mein is bill ko pesh kiya tha to vipaksh ne yeh kehkar bill paas naheen hone diya ki sarkaar ne bahut hi hadbadi mein bina sabki sahamati liye ise pesh kar diya. Ab ise sansad ke bajat satr mein pesh kiya jaega. Vipaksh ke virodh ke baad sarkaar ne pehle hi kuchh pramukh badlaav kiye the. Iske tahat. . . 1- is maamale mein FIR tabhi sveekaarya ki jaaegi jab patni ya uske najadeeki khoon vaale rishtedaar darj karaaenge. Vipaksh aur kai sangathanon ki chinta ki thi ki is maamale mein FIR ka koi durupayog kar sakta hai. 2- pati aur patni ke beech maijistret samjhauta kara sakte hain, agar baad mein donon ke beech iski pahal hoti hai. Isse pehle ke bill mein iske liye praavadhaan naheen the. Vipaksh ka tark tha ki iski vyavastha honi chaahiye. 3- tatkaal teen talaak abhi gairajamaanati aparaadh bana rahega lekin ab ismein aisi vyavastha kar di gayi hai, jiske baad maijistret ismein jamaanat de sakta hai lekin isse pehle patni ki sunavaai karni hogi. Isse pehle bill mein teen saal ki saja ke praavadhaan ke baad jamaanat ki gunjaaish naheen di gayi thi. Jammu-Kashmir mein aarakshan ki nai suvidha Keindreeya mantri ne bataaya ki cabinet ne Jammu-Kashmir rijrveshan bill 2019 ko manjoori de di hai, jisse Jammu-Kashmir mein antararaashtreeya seema ke paas rahane vaale logon ko raahat milegi. Daraasal, cabinet ne aarakshan ke liye vahaan 1954 ke raashtrapati aadesh mein badlaav kar aarakshan ke praavadhaan mein ferabadal kiya hai. Iske tahat Jammu-Kashmir mein niyantran rekha ke paas rahane vaale logon ke saath-saath ab antararaashtreeya seema par rahane vaale logon ko bhi aarakshan ka laabh milega. Ordineins jaari kar ismein sanshodhan kiya gaya hai aur antararaashtreeya seema par rahane vaalon ko bhi aarakshan milega. Sootron ke anusaar isse Jammu ke kuchh ilaakon mein rahane vaalon ko iska laabh milega. Iske alaava gareebon ko milne wala 10 feesadi aarakshan bhi laagoo hoga. Vaheen SC, ST aur OBC aarakshan bhi laagoo hoga. Aam chunaav se theek pehle ispar ordineins jaari kiya gaya tha lekin sansad se ise paas naheen karaaya ja saka tha. University mein puraana rostar system fir se laagoo University mein niyukti ko lekar hue rostar vivaad par Modi sarkaar ne dobaara ordineins jaari kiya. Isse saath hi puraana system bahaal kiya gaya hai. Puraane system ki bahaali ko lekar vipaksh ne bada mudda banaaya tha. Ordineins ke baad vibhaag ya vishay ki bajaae vishvavidyaalaya ya college ko ek unit maana jaaega. Is nirnaya se shikshak kaadar mein seedhi bharti ke tahat 7000 se adhik riktiyon ko bharate samay yeh sunishchit kiya ja sakega ki SC, ST aur OBC ko rijrveshan mil sake. University mein rostar system ko lekar vivaad us samay shuroo hua tha, jab Allahabad haai court ne apne ek faisale mein aarakshan rostar ka nirdhaaran university ko ek unit maankar tay karne ki bajaay vibhaag ko unit maankar tay karne ka nirdesh diya tha.

Sansad Satr Mein Teen Talaak Bill Pesh Karegi Modi Sarkaar, Jammu-Kashmir Mein 6 Maheene Badha Raashtrapati Shaasan https://www.angrejinews.com/pic/280756