Sansad Mein Hangaama Jaari, Food Security Bill Lataka

Breaking »

Sansad Mein Hangaama Jaari, Food Security Bill Lataka

Nai Delhi . . Koyala ghotaale par CBI ki report mein badlaav karne ki vajah se fanse kaanoon mantri ashvini Kumar aur rel rishvat kaand ki jad mein aae rel mantri pavan Kumar bansal ko hataane ko lekar Congress aur BJP mein takaraav aur badh gaya hai. Congress ne pehle hi in donon ko cabinet se hataane ya inke isteefe lene se inkaar kar chuki hai. Mangalvaar ko BJP ne sansad ke donon sadanon mein jamkar hangaama kiya. BJP ne saaf kar diya hai ki jab tak donon mantri naheen hatate, sansad mein koi bill paarit naheen hone diya jaaega. Donon hi dalon ke apni jid par ade rahane se ab yah tay maana ja raha hai ki satr ke bache hue dinon mein bhi koi kaamkaaj naheen hoga. Sansad mein hangaame ki vajah se food security bill ka latakana tay maana ja raha hai. Khabar hai ki bill ke latakane ke vishv vikhyaat arthashaastri amartya sen naaraaj hain. Koyala ghotaale aur railway ghoosakaand par vipaksh ke hangaame ke chalte mangalava ko bhi sansad thap raha. Hangaame ke chalte Loksabha ki kaaryavaahi pehle 12 baje tak, fir 1 baje tak aur uske baad dinbhar ke liye sthagit kar di gayi hai. Rajyasabha mein bhi hangaame ki sthiti rahi. Sarkaar food security bill ko sansad ke isi session mein paas karavaana chaahati hai, jiske liye vipaksh ne sarkaar ke saamane shart rakhi hai. Vipaksh ne kaha hai ki pehle kaanoon mantri aur rel mantri isteefa dein, tabhi bill paas karavaane mein sahayog kareinge. Vaheen, left ne kaha hai ki vah is bill par sarkaar ke saath hai.

Sansad Mein Hangaama Jaari, Food Security Bill Lataka https://www.angrejinews.com/pic/7953