Sansad Mein Fir Naheen Ho Paaya Kaamkaaj

Breaking »

Sansad Mein Fir Naheen Ho Paaya Kaamkaaj

vas . Nai Delhi : Koyala blauk aavantan maamale mein CBI ki report mein sarkaar ke kathit dakhal aur anya kai muddon par hue hangaame ke kaaran guruvaar ko bhi Rajyasabha ki baithak naheen chal paai. Loksabha ki kaaryavaahi Trinamool Congress sadasya Ambika Bannerjee ke nidhan ke kaaran poore din ke liye sthagit kar di gayi. Rajyasabha mein hangaame ki vajah se teesare din bhi prashnakaal naheen ho paaya. Baithak shuroo hote hi BJP aur anya dalon ke saansad apni-apni maangon ke samarthan mein naare lagaane lage. BJP pradhaanamantri ke isteefe aur kaanoon mantri ashvini Kumar ki barkhaastagi ki maang kar rahi thi. Samaajavaadi party ke sadasya jahaan cheeni sena dvaara bhaarateeya kshetr mein ghuspaith ka maamala utha rahe the vaheen left paartiyaan pashchim Bengal mein hue chit fund ghotaale par uttejit theen. Hangaama jaari rahane par sadan ki kaaryavaahi 12 baje tak ke liye sthagit kar di gayi. Dobaara baithak shuroo hone par bhi haalaat mein tabdeeli naheen aane par baithak do baje tak ke liye aur fir poore din ke liye sthagit kar di gayi.

Sansad Mein Fir Naheen Ho Paaya Kaamkaaj https://www.angrejinews.com/pic/6797