Sansad Mein Bhi Goonja Bachchi Se Rape Ka Mudda

India »

Sansad Mein Bhi Goonja Bachchi Se Rape Ka Mudda

Nai Delhi. . Delhi mein 5 saal ki bachchi se rape ki ghatna ki goonj somvaar ko sadak ke baad sansad mein bhi sunaai di. Loksabha ki kaaryavaahi shuroo hote hi vipakshi dalon ne is ghatna par jamkar hangaama kiya. BJP aur BSP ke saansadon ne doshiyon ko faansi dene ki maang ke saath jamkar naarebaaji ki. Iske alaava pashchim Bengal ki mukhyamantri mamata Bannerjee ka gheraav evam raajya ke vitt mantri se dhakka-mukki ki ghatna evam anya muddon par bhi bhaari hangaama huaa. Iske kaaran Loksabha ki kaaryavaahi kuchh hi minute baad dopahar 12 baje tak sthagit kar di gayi. Isi tarah raajya sabha ki kaaryavaahi bhi hangaame ke kaaran sthagit karni padi. Shinde ko bayaan heen dene diyaa: Vipakshi saansadon ke hangaame ke kaaran gruh mantri susheel Kumar shinde is mudde par bayaan naheen day sake. Vipakshi dalon ne shor-sharaaba kar unhein bolne naheen diya. Iske baad unhonne apna bayaan sadan ke patal par rakh diya. Is mudde par Loksabha ki kaaryavaahi fir 2 baje tak sthagit karni padi. Loksabha ki kaaryavaahi jab dobaara 12 baje shuroo hui vipakshi saansadon ne fir hangaama shuroo kar diya. Shinde jaise hi bayaan dene ke liye uthe hangaama aur tej ho gaya. Iske kaaran speaker ko kaaryavaahi do baje tak sthagit karni padi. Raajya sabha mein bhi yahi najaara raha. Vahaan sadan ka kaaryavaahi do baar sthagit karni padi. Gaurtalab hai ki BJP pehle hi is mudde ko sansad mein uthaane ki baat kah chuki thi. BJP saansad maaya Singh ne raajya sabha mein is mudde par charcha karne ke liye prashnakaal sthagit karne ka notice diya tha. Gaurtalab hai ki Loksabha mein vipaksh ki neta Sushma Swaraj is ghatna par pratikriya dete hue rape ke khilaaf sansad ke haal hi mein paarit kaanoon ko naakaafi bata chuki hain. Unhonne ismein badlaav ke liye keindreeya gruh mantri susheel Kumar shinde ko raajaneetik paartiyon ki baithak bulaane ka sujhaav diya tha. Sarkaar ke saamane doosari kai chunautiyaan: Gaurtalab hai ki UPA sarkaar ke saamane kai tarah ki chunautiyaan hain. Is session ke dauraan jahaan sarkaar ko kuchh aham bill paas karaane hain, vaheen use kuchh vivaadit muddon par vipaksh ke teekhe tevar bhi jhelne honge. NDA ne apni mansha jaahir bhi kar di hai. Aise mein agale ek maheene mausam ki tarah siyaasat ke paare ke bhi garm rahane ki sambhaavana hai. Tamaam dalon ki or se October mein chunaav hone ki sambhaavana jaahir karne ke baad sansad session ke dauraan raajaneetik uthaapatak dekhne ko mil sakti hai. Ikaunami se jude bilon par rahegi najar: Kamjor ho chuki ikaunami ko taunik dene vaale kuchh peinding bilon ko paas karaane ke liye poora jor laga rahi hai. Finance ministar niveshakon ko lubhaane ke liye duniya ke daure par hain. Vaheen, yahaan sarkaar in bilon ko paas karaane ke liye vipaksh se bhi lagaataar sampark mein hai. Inshyoreins bill, peshan bill aur land bill par baajaar ki najar rahegi. Agar ye teenon paas ho gaye to aathirk morche par positive asar dekhne ko mil sakte hain. Sarkaar ko isi session mein finance bill bhi paas karaana hai. Number game fir hoga aham: Sarkaar Rajyasabha mein pehle se hi alpamat mein hai vaheen Loksabha mein DMK ki or se support vaapas liye jaane se vahaan bhi mushkilein badhi hain. Aise mein number game fir aham hone vaala hai aur sarkaar ko mulaayam Singh aur maayaavati se ek baar fir ummeed rahegi. Lekin haal mein jis tarah mulaayam Singh sarkaar par hamlaavar rahe hain aise mein unka sansad ke andar rukh dekhna dilchasp hoga. JDU Bihar ko vishesh raajya ka darja diye jaane ki maang sansad mein uthaaega aur sarkaar use kis tarah se deal karti hai usase bhi raajaneetik sandesh jaaega. Sarkaar ke saamane doosari aham chunauti -land bill ko sansad mein paas karaana -food security ko bill ko paas karna jise sarkaar agale aam chunaav mein chunaavi hathiyaar ke roop mein istemaal karne ka mansha rakhati hai -inshyoreins bill ko paas karaana. Sarkaar ko gherega vipaksh -jauint paarlyaameint committee (JPC) ki report leek hone aur ismein pradhaanamantri Manmohan Singh aur vitt mantri pi. Chidambaram ko clean chit diye jaane ke maamale par. -kolaget maamale mein CBI par report badalavaane ke liye kaanoon mantri ki or se dabaav diye jaane ki khabaron par vipaksh sarkaar ko gherega. -Delhi rape ke baad upaji kaanoon vyavastha aur Delhi police ke kaamkaaj par bhi savaal uthaae jaaenge.

Sansad Mein Bhi Goonja Bachchi Se Rape Ka Mudda https://www.angrejinews.com/pic/6372